Pakadto ha sulod

Ano Daw La an Mahitatabo ha Tiarabot?

Ano Daw La an Mahitatabo ha Tiarabot?

An kahimtang ba han aton kalibotan . . .

  • diri magbabag-o?

  • magtitikaraot?

  • magtitikaopay?

 KON ANO AN GINSISIRING HAN BIBLIA

“Papahiron [han Dios] an ngatanan nga luha ha ira mga mata, ngan mawawara na an kamatayon, pati an kabidoan, pagtangis, ngan kasakit. An daan nga mga butang naglabay na.”​—Pahayag 21:3, 4, Bag-o nga Kalibotan nga Hubad.

KON ANO AN KAPULSANAN HITO HA IMO

Magkakaada ka mapulsanon ngan makalilipay nga trabaho.​—Isaias 65:21-23.

Diri ka na magkakasakit o mag-aantos.​—Isaias 25:8; 33:24.

Magkakaada ka malipayon ngan waray kataposan nga kinabuhi upod han imo pamilya ngan kasangkayan.​—Salmo 37:11, 29.

 MAKAKATOO GUD BA KITA HA GINSISIRING HAN BIBLIA?

Oo, ha diri maminos duha nga hinungdan:

  • May gahum an Dios ha pagtuman han iya saad. Ha Biblia, hi Jehova nga Dios gud la an gintatawag nga “Makagarahum-ha-ngatanan” tungod kay waray tubtoban an iya gahum. (Pahayag 15:3) Salit matutuman gud niya an iya saad nga himoon nga mas maopay an kahimtang hini nga kalibotan. Sugad han ginsisiring han Biblia, “ha Dios an ngatanan nga butang posible.”​—Mateo 19:26.

  • Karuyag gud han Dios tumanon an iya saad. Pananglitan, hingyap ni Jehova nga buhion utro an mga tawo nga namatay na.​—Job 14:14, 15.

    Iginpapakita liwat han Biblia nga an Anak han Dios nga hi Jesus nagtambal han mga may sakit. Kay ano nga ginbuhat niya ito? Tungod kay karuyag niya. (Marcos 1:40, 41) Pariho han iya Amay, karuyag gud ni Jesus nga buligan an mga nanginginahanglan.​—Juan 14:9.

    Salit makakasiguro gud kita nga karuyag ni Jehova ngan ni Jesus nga magkaada kita malipayon nga kabubuwason!​—Salmo 72:12-14; 145:16; 2 Pedro 3:9.

 HUNAHUNAA INI

Ano an bubuhaton han Dios basi magin mas maopay an kahimtang hini nga kalibotan?

Ginbabaton ito han Biblia ha MATEO 6:9, 10 ngan DANIEL 2:44.