Pakadto ha sulod

An Dios ba Naukoy ha Espisipiko nga Lokasyon?

An Dios ba Naukoy ha Espisipiko nga Lokasyon?

An baton han Biblia

Oo. An Dios naukoy ha espisipiko nga lokasyon​—an langit. Tagda ini nga mga teksto ha Biblia:

Ha usa nga pag-ampo, hi Hadi Solomon nagsiring: “Hinaot imo pamatian tikang ha langit, nga imo urukyan.”​—1 Hadi 8:43.

Hi Jesu-Kristo nagtutdo ha iya mga disipulo nga ipaabot an ira pag-ampo ha ira ‘Amay ha langit.’​—Mateo 6:9.

Han ginbanhaw hi Jesus, sinulod hiya “ngadto ha langit mismo, basi yana magpakita hiya ha atubangan han Dios.”​—Hebreo 9:24.

Ito nga mga teksto klaro nga nagpapakita nga hi Jehova nga Dios usa nga tinuod nga persona ngan naukoy hiya, diri ha ngatanan nga lokasyon, pero ha langit gud la.