Pakadto ha sulod

MARSO 20, 2019
TURKMENISTAN

Ginpagawas Na hi Bahram Hemdemov

Ginpagawas Na hi Bahram Hemdemov

Han Pebrero 13, 2019, hi Bahram Hemdemov, 55 anyos, ginpagawas ha prisohan ha Seydi (LB-E/12), Turkmenistan, katapos han iya upat ka tuig nga sentensya hin kapriso. Nakaupod niya utro an iya asawa nga hi Gulzira, ngan an ira upat nga anak. Hi Mr. Hemdemov gin-aresto hadton Marso 14, 2015, tungod la ha pagdumara hin mamurayawon nga relihiyoso nga katirok ha iya balay ha bungto han Turkmenabad. Han Mayo 19, 2015 ginsentensyahan hiya han Lebap Regional Court sugad nga salaan. Ha aberids, ha panahon nga nakapriso hi Mr. Hemdemov, an gobyerno ha Turkmenistan naghatag hin pardon ha mga priso hin tulo ka beses kada tuig. Pero waray hiya makakarawat hito, bisan kon upod hadton gintagan hin pardon mga priso nga parapamatay. Han Agosto 15, 2016, iginsumiter ni Mr. Hemdemov an iya reklamo ngadto ha UN Human Rights Committee (CCPR), nga ha pagkayana waray pa gihapon mahatagi hin aksyon. Onse nga Saksi ni Jehova an nakapriso pa gihapon ha Turkmenistan tungod han ira pagbaribad nga magsundalo. Ini an sitwasyon bisan pa han napulo nga desisyon nga ginpalusad han CCPR kontra ha gobyerno tungod han ira pagtimaraot ngan pagpriso ha mga batan-on nga mga Saksi nga nagdumiri pagsundalo tungod han ira gintotoohan.