Pakadto ha sulod

DISYEMBRE 13, 2018
UNITED STATES

Naibaligya Na an Ultimo nga Propyedad han mga Saksi ni Jehova nga Aada ha One York Street ha Brooklyn

Naibaligya Na an Ultimo nga Propyedad han mga Saksi ni Jehova nga Aada ha One York Street ha Brooklyn

Han Disyembre 12, 2018, naibaligya na han mga Saksi ni Jehova ha Fortis Dumbo Acquisition, LLC an ultimo nira nga propyedad ha headquarters nira hadto ha Brooklyn ha One York Street, nga kilala liwat nga 30 Front Street. Tikang han 2004, naibaligya na han mga Saksi an 37 han ira mga propyedad ha Brooklyn.

Han ginpalit han mga Saksi an lote ha York Street han 1977, gin-gamit nira ito sugad nga parking lot para ha mga nagtatrabaho ha ira headquarters hadto. An bakante nga lote (makikita ha retrato) nahimumutang ha makasaysayan nga komunidad han DUMBO ngan aada ito ha ligid han Brooklyn Bridge ngan han Brooklyn-Queens Expressway.

Ha sulod hin sobra 100 ka tuig, gin-organisar han mga Saksi an ira bug-os-kalibotan nga buruhaton ha pagpanutdo mahitungod ha Biblia ha ira headquarters ha Brooklyn. Tikang han 2016, iginbalhin na ha Warwick, New York an world headquarters han mga Saksi.

Media Inquiries: Office of Public Information, +1-845-524-3000