Pakadto ha sulod

ENERO 14, 2019
ANO AN BAG-O?

Iginrelis an Bag-o nga Kalibotan nga Hubad ha Lima nga Yinaknan

Iginrelis an Bag-o nga Kalibotan nga Hubad ha Lima nga Yinaknan

Han Enero 12, 2019, ha Benin City, Nigeria, an Bag-o nga Kalibotan nga Hubad han Baraan nga Kasuratan iginrelis ha Isoko nga yinaknan ngan an ginrebisa nga edisyon han Bag-o nga Kalibotan nga Hubad iginrelis ha Yoruba nga yinaknan. Ha pariho nga adlaw, ha Dudley, West Midlands, England, an libro han Mateo tikang ha New World Translation iginrelis ha British Sign Language.

An Bag-o nga Kalibotan nga Hubad iginrelis liwat ha duha nga yinaknan ha Pilipinas. An ginrebisa nga edisyon iginrelis ha Cebuano han Enero 12, 2019, ha Lapu-Lapu City, Cebu. Kinabuwasan, ha Palo, Leyte, an Bag-o nga Kalibotan nga Hubad iginrelis ha Waray-Waray. An Bag-o nga Kalibotan nga Hubad naihubad na ha bug-os o ha bahin hito ha 179 nga yinaknan, upod na an 18 nga kompleto nga rebisyon nga iginbasar ha 2013 nga edisyon.