Aunaa, yxaꞌapanym kayꞌan Yewah Puchurynau taan pyraata panhikynyy kawan at, inkaminkeꞌyt kiz Tuminkery Paradan ipei amazada kawan at. Naꞌapauram atiꞌu wyryy kikeryz dízimo naꞌik kandii nii Yewah Puchurynau Kakuwapainhau aunaa intaan dízimo?

 Kutyꞌanaa Tuminkery taanii irib kakinhaurii kid papidiananau at Moisés idiaꞌan ydiyydan israelitanau taan dízimo, uu, 1/10 paxaꞌapayz diꞌik. Mazan Tuminkery Karichian aidiyan wyryy kakinhaurii — aimeakan zaamataꞌu nii 1/10 wyryy diꞌikiꞌi pairibennau byyt nii kid — aunaa naa mixidiannau Disu daꞌanan kakinhaurii kid taakariwez Moisés at. — Hebrews (Hebreus) 7:5, 18; Colossians (Colossenses) 2:13, 14.

 Aunaa wataan pyraata uu aimeakan kaminkeꞌytaꞌu nii baukuptinkery wadiyydkau idiaꞌan man, mazan waxaꞌaptin kiwiichipaꞌu mixidiainhau kawan inkaminkeꞌyt kinha nii kakuwapkary Tuminkery Paradan daꞌy: intaa pyraata uu aimeakan panhikynyy kawan at naꞌik inkakuwap Tuminkery Paradan daꞌy mawinipinaadayn.

 Ykayꞌan waxaꞌaptin Tuminkery kakinhauri kawan at taakariwez mixidiainhau Disu at: “Ykayꞌan ipei ynau, yaichap kiz naꞌik ydiꞌitinhap kiz yaipen at kid naꞌapam nii ytaan pyraata, aunaa kiz ytaanyz ymarainhan bii an uu ydiyydkau id man karikeunan. Yxaꞌapanym kayꞌan Tuminkery marainhap pidian wyryy kunaykiaꞌuraz ytaayzun aimeakan.” — 2 Corinthians (2 Coríntios) 9:7