Tuminkery Paradan idiaꞌa paradakary kikeryz chuuchi grego idiaꞌan Tuminkery pidiananau daꞌynau wyryy ykiaꞌazun aunaa inbaukuptin kiz daꞌynau man.

 Apóstolo Paulo saadan dun pamin mixidiannau at Roma ii, ydiyydan paparadan Áquila naꞌik Priscila at, ykian: pykuwad paꞌi unparadan chuuchi at baukupainpeꞌuraz indap ii. (Romans [Romanos] 16:5, Bíblia fácil de ler) Aunaa Paulo diyydan paparadan baukupainhapkizei at man, mazan ydiyydan paparadan pidiannau atiꞌu—pidiannau baukupainpeznau Priscila naꞌik Áquila dap ii. a

 Ykayꞌan aunaa wadakutan wabaukupainhap kiz chuuchi kii, mazan wadakutan “Yewah dapanaa” kii.

Kandii nii ydakutkau ”‏Yewah Puchurynau Kakuwapainhau dapanaa”‏ kii?

 Pytykap kandii nii kaimenaꞌu ydakutkau naꞌap:

•   Wyryy kabayn ykaiweakau baukupainhapkizei nii.

•   Wabaukupainpen watuminkerychap kiz Yewah diyydaꞌuraz paparadan saadkau waꞌat naꞌik wakakuwap kiz ydayꞌan. — Psalm (Salmo) 83:18; Isaiah (Isaías) 43:12.

•   Wabaukupainpen watuminhap kiz Tuminkery Naubunaitinpen daꞌyan Disu kakuwapnii tyykii naꞌapaꞌu daꞌy. — Matthew (Mateus) 6:9, 10; 24:14; Luke (Lucas) 4:43.

 Wadapadan pygary pybaukuptin kiz Yewah dapanaa it maunapaꞌu pymaxaapkiz ii, pytykap kiz naꞌapan Yewah Puchurynau Kakuwapainhau baukupainpen kadyz.