Tuminkery Paradan kian

 Uu kainhaꞌa kiz, yxaꞌapanym kayꞌan Tuminkery aipen pidiannau baukuptinhan intuminkerychiap kinhaꞌa nii yryy. Tuminkery Paradan kian: ‘Marii wadiꞌitinpen naꞌapam kiz wamaꞌuzakadan wairibennau wamarainpeaka kiz naꞌik wakaminkeꞌyiak kiz. Manaꞌa wamarainhaꞌataꞌanaꞌa wyryy wabaukupainpayzunyz.’ — Hebrews (Hebreus) 10:24, 25, kainharibei.

 Disu kian wyryy papuchurynau kaimenaꞌu nii insaabaan wyryy pabaukupainpeꞌzun ykian dun: “Ipeꞌu nii pidiannau aichipan ynau mixiꞌu unpidianannauinmarainpeakan an.” (John [João] 13:35) Inaidi kinhaꞌa nii wyryy pamarainpeakan, Cristo puchurynau baukupainpen nii pamin mixidiannau tym. Ipei amazada kawan at kainhaꞌu nii inbaukupainhap kiz karikeunan kiz inbaukupainpen Tuminkery at. (1 Corinthians [1 Coríntios] 16:19) Ipei inhau baukup ipei amazada kawan at intaapan pamin mixidian painhawyz kawan naꞌik padadukuu kawan. — 1 Peter (1 Pedro) 2:17.

Aunaa suu kainhaꞌa kiz man pychuchiin karikeunan

 Tuminkery Karichian kian pidiannau baukupainhap kiz intuminkerychiap kinhaꞌa nii Tuminkery, mazan aunaa Tuminkery Karichian kian pidian kunaykikid Tuminkery suu ykachuuchinin id. Pyxaꞌaptin kinha nii Tuminkery nhikynyi kawan at, pidian maxaap kiz pachuuchiin kawan at. Tuminkery Karichian kian: “Mazan pidian, mixiꞌu ychuuchi santinpen Tuminkery waDary aipen kawanaꞌat, yryy paꞌan wyryy karikeunanyꞌuraz ykaminkeꞌytaꞌazun maydaniiwainhau naꞌik zynnau patakaꞌytinainhayz mawakaꞌuraz naa indaiarynau, naꞌik yryy aunaꞌu nii yaipen papatakaꞌyinhan uiaꞌu id.” — James (Tiago) 1:27, kainharibei.