Tuminkery Karichian kian

 Disu kazannaatan pidiannau mixidiainhau ymaukan dun ykawinipinaat kinha nii ipei pidian uian. (Matthew [Mateus] 20:28) Yryy id, Tuminkery Karichian dakutan disu “Pidiannau kazannatik .” (1 John [1 João] 4:14) Naꞌik kian kapam: “Aunaa bauran pidian nii, kazannaataꞌu nii waynau, diuraz imiꞌi baara an, suu baydap, Disu. Yryy Tuminkery diyydnii, pidiannau kazannaatin kinha nii, aunaa bauran yryy kawanyꞌu nii.” — Acts (Atos) 4:12.

 Disu ‘baiap mauwakary ipei pidian dikin ii aidiaꞌuraz pamixidian yryy. (Hebrews [Hebreus] 2:9; John [João] 3:16) Yryy daynaꞌan, “Tuminkery kadixitkid yryy pamawak kiz ik”, ydaynaꞌan Disu padanat aukaz it durunai kawan. (Acts [Atos] 3:15) Naꞌik tyryy Disu “kazannaatan pidiannau waꞌatinhawyz Tuminkery idiaꞌat paygary idiaꞌan, yxaꞌapanym kayꞌan karikeunan ykakypan naꞌik yparadan nii indikin ii Tuminkery at, naꞌap yparadan nii ykazannaat kinha nii indiayn.” — Hebrews (Hebreus) 7:25.

Kandii nii Disu parada kiz wadikin ii?

 Yxaꞌapanym kayꞌan ipei waynau uinheinhau. (Romans [Romanos] 3:23) Uiaꞌu awaytap waynau Tuminkery ai, naꞌik wyryy uiaꞌu naꞌak waynau mauwakary diꞌit. (Romans [Romanos] 6:23) Mazan Disu xaꞌaptin ‘kaminkeꞌypaꞌu nii’ daꞌynaꞌu at aidiaꞌuraz pamixid ymaukan wa uian dikin ii. (1 John [1 João] 2:1, kainharibei) Disu parada indikin ii ypixan idiaꞌan Tuminkery yabat kiz inturinpen naꞌik ykamynankid kiz in uian kid. Yxaꞌaptin naꞌap pamaukan id ykawinipinaat kinha nii in uian. (Matthew [Mateus] 1:21; Romans [Romanos] 8:34) Tuminkery abat wyryy pixaakariwez kidiaz yxaꞌapanym kayꞌan ypixaakau yaiapnii kawan at. Tuminkery diyydan Disu imiꞌi baara at ‘pidiannau kazannaatin kinha niꞌu yidiaꞌan.’ — John (João) 3:17.

Tyryy man wakazannaatinhan suu wamixidian Disu idiaꞌan?

 Aunaa. Mixiꞌu, wamixid kiz Disu wakazannaatin kinha nii, mazan aunaa suu yryy man. (Acts [Atos] 16:30, 31) Tuminkery Karichian kian: “Aizii pidian nizuwan aunaan an ynanaa ai, yryy pidian maukaꞌu wyryy; ykayꞌan naꞌap kapam, kaimenaꞌu xaꞌapatinkery aunaan an mixidiapakary ai, maukaꞌu wyryy.” (James [Tiago] 2:26) Wakazannaatin kinha nii, marii kiz:

•   Watuminhap kiz Disu naꞌik yDary Yewah daꞌyan. — John (João) 17:3.

•   Wamaꞌuzakad kiz wamixidian indiayn. — John (João) 12:44; 14:1.

•   Wa aidi kiz wamixidian indiayn waizuꞌutin idiaꞌan indiyydnii kid. (Luke [Lucas] 6:46; 1 John 2:17) Disu tuminhapkidian aunaa ipeꞌu man pidian dakutaꞌuraz yryy “Naubunai” kii kazannaatkau nii, mazan suu tawynyꞌy xaꞌapataꞌuraz yDary aukaz iaꞌuraz aipen kawan at.” — Matthew (Mateus) 7:21.

•   Pakawan kiz wa aidipan wamixidpan wadubatpan pyꞌy kaxapanaa kidiaꞌu. Kaimen Disu kuwadan ykian dun: “Kanum aunaa ykaxadinhan pamixidipan ai atii ytukun diꞌit ykazannaatkau nii.” — Matthew (Mateus) 24:13.