NAꞌAPAM?

Mazidiainhau kaydinhan dun patumaka, daiarii naꞌik daiarui naꞌap diaytam pidiannau naꞌakpan kawan avião, in naꞌak kiz avião baydap inpunaa. Indubatpan pyꞌy kaxaꞌapannaa kidiaꞌu, aunaꞌu nii indiꞌitinpen suu padayꞌan karikeunan, mazan indiꞌitinpen nii naꞌapam pamin mazidian abatinpen kapam.

TUMINKERY KARICHIAN KIAN: “Aunaa diaꞌytamaꞌuraꞌa naa man indiayn, mazan baydaꞌapaꞌuraꞌa naa.” Matthew (Mateus) 19:6.

Mazidikery yryy kaydinkizei diaytamaꞌu pidiannau atiꞌu. Daiarii naꞌik daiarui kaydin kiz patumaka ydaꞌyan inmaxaap kinha nii kunaykii.” — Christopher.

KANDII NII KAIMENAꞌU NAꞌAP?

Daiarii naꞌik daiarui kaxadakuakan dun, aunaa dun inkaydin patumaka, pamazidian daꞌyan, aunaꞌu nii inkaꞌichian patiween pasaaban wyryy padubatapnii, mazan indakupan nii paꞌatiaaka. Ykayꞌan ipei kaikesud kidiaꞌu kaxarytpaꞌu inhau tyryy intanautan idaryꞌu nii.

“Pidian mazidian dun, yaichap kiz pakaydinhan baukup pamin mazidian tym. Aunaa dun ungary naꞌikin undaiary kaydinhan baukup wamazidian daꞌyan aunaꞌu nii wamaxaapan mazidiaꞌu kawan, mazan wamaxaapan nii naꞌap diaytamaꞌu pidiannau kawan, suu inmaxaapan baukup karikeunan. Aunaꞌu nii inkadakuinpen paꞌatiaaka naꞌapam nii inxaꞌaptan aimeakan kid.” — Alexandra.

KANUM KIZ PYXAꞌAPAT?

PIDIꞌITINHAP

• Undiꞌitinhap man unpyrataan “suu un idiway” karikeunan?

• Unkaꞌichi unsukpan suu mynap undary uu undaiaru ai?

• Undaiary uu undaiaru naydap tyykii pairibennau, mazan ypyꞌy aunaa un naydpan unkadakuinpen in tym?

YKADAKUINHAP YꞌATIAꞌAKA

• Wamazidian daynaꞌan kanum wakaꞌichi waxaꞌaptan kaimenaimen?

• Kanum wasaabaa kiz wamaxaapan idiaꞌa?

• Kanum kiz waxaꞌapat wasaabaa kinha nii?

PITIWEEN PAꞌI

• Pidiꞌitinhap pymazidian ikudaꞌazuu makinhautinkery kawynyꞌu, pygary naꞌik pymin mazidian ymakinhautinhan yꞌatiaaka buꞌutak ytiweikidiaptaakan. Ytiwee yaichipan kanum kiz ynau xaꞌapat ymakinhautin kiz patumaka minhaydaꞌyinhau kawan.

• Aunaa pidiꞌitinpeꞌe naa, ‘Naꞌapam nii un winian?’ mazan pidiꞌitinhap: ‘Waynau diaytam naꞌapam nii wawinian?’

“Aunaa pitiweitinhaꞌa naa piaidian kanum sakichipaꞌu uu kanum panaitiꞌu. Ymanawynyꞌu manawyn ynau maxaapan kaimen.” — Ethan.

TUMINKERY KARICHIAN KIAN: ‘Aunaa ydiꞌitinpeꞌanaꞌa suu yaiapnii naꞌik yxaꞌapapnii kid aimeakan daꞌy karikeunan, mazan ydiꞌitinhap ykaminkeꞌytaꞌazun daꞌy baurainhau kapam.’ Philippians (Filipenses) 2:3, 4.