NAꞌAPAM?

Daiarii naꞌik daiarui intaapan dun pazuway idiaꞌa intaap kiz wyryy pamazidian, aunaꞌu nii indiꞌitinpen pamyydaakan daꞌy. Naꞌap in abatinpen nii kazannaatinhap. Inmixid intaapakan nii kaimen paꞌatiaaka, intaan kawan at paparadan pamazidian dun, atii indubtan dun kaxaꞌapannaa kidiaꞌu.

Pabiꞌikid mazidiainhau inmaxaapan baukup inkunaykikidiaꞌazun id pairibennau naꞌik paminhaydaꞌynau. Mazan, kaimenaꞌu pawaꞌa zii in aipen dun pamaxaapan baukup inmarainpeakan id naꞌik intaapakaꞌazun id kaimen.

TUMINKERY KARICHIAN KIAN: “Daiariinhau. . . manaꞌa pymyydaꞌanaꞌa pydaiaru.” 1 Corinthians (1 Coríntios) 7:11.

“Pynaꞌaptan dun pinhikynyy pytaap kiz kaimen wyryy pymazidian, aunaꞌu nii pykaxaꞌurkidian uii sud kid xaꞌapat kariwei pyꞌat, mazan pymanhikynyytan nii, kadimenaꞌu nii pykamynankidian pymin mazidian. Aunaa pidiꞌitinpeꞌe  naa pymyydan daꞌy pymin mazidian pydubtan dun kaxaꞌapannaa kidiaꞌu.” — Micah.

KANDII NII KAIMENAꞌU NAꞌAP?

Pabiꞌikid mazidiainhau aunaꞌuraz in naꞌaptan panhikynyy ii intaap kiz kaimen pamazidian, indubtan dun kaxaꞌapannaa kidiaꞌu aimeakan, indiꞌitinpen: ‘Aunaa naa wamaxaapan kaimen, wamyydaakaꞌa naa’.

“Irib pidiannau mazidian iaꞌii, indiꞌitinpen tyryy inmyydaakan aunaa dun inmaxaapan kaimen. Pidian diꞌitinpen dun naꞌap, aunaa ytaapan ymanawynyn wyryy pamazidian.” — Jean.

KANUM KIZ PYXAꞌAPAT?

PIDIꞌITINHAP

Ytuꞌurtaꞌakan dun. . .

• Pidiꞌitinhap man kandii nii pymazidian wyryy pymin mazidian tym?

• Pidiꞌitinhap pymazidiaꞌazun bauran tym?

• Pyparad dikeyd kidiaꞌu aimeakan diuraz kawynyꞌu “Unmyydaakan nii pygary” uu “Un durutan nii bauran pidian taapaꞌu nii ungary kaimen”?

Pydakuꞌuitin an “uu”, baydap uu pauwaꞌa zii pixaakariwez, ykayꞌan pysaabaa kiz naꞌapam pytaapan pymin mazidian.

YKADAKUINHAP YꞌATIAꞌAKA

• Aunaa naa wanaꞌaptan wanhikynyy wataap kiz kaimen wyryy wamazidian kutyaꞌu kawan? Ynaꞌapan an ydiꞌitinhap kandii nii naꞌapaꞌu xaꞌapan ynau tym.

• Kanum kiz waxaꞌapat wa aichiap kinha nii wataapan kaimen wyryy wamazidian?

PITIWEEN PAꞌI

• Panadun kid pysaad karichi sud idiaꞌa, pykuwad kinha nii naꞌapam pymarainpen pydaiary uu pydaiaru.

• Pytaap pydaiary uu pydaiaru dikin pykaydinkiz ii. Naꞌap ytaapan nii yparadan, ytaan kawan at ynau mazidian dun.

• Pyparad telefone idiaꞌan pymin mazidian tym ipei kamuu, pykaydinhan dun uu pymynapyn dun.

TUMINKERY KARICHIAN KIAN: “Kanum Tuminkery baydaꞌapatnii, aunaa tyryy pidian myydaak kidian.” Matthew (Mateus) 19:6.