LUZIA AT KAXAꞌAPANNAA UCHIꞌIKPAN. Ukuraidiaunan dun, uzamtan zamainbeꞌu rinhei dakutkau Poliomielite, wyryy rinhei patakaꞌyan pidian aikyꞌu zynaa kid, yryy id utabaꞌy axabaru antanpyꞌu maukan, tukuzaꞌyap uchiꞌikpan. Luzia 16 uwynyn dun, zynaba kaydinhaꞌuraz u tym kian: “Pidikinchipan id pydaru, Tuminkery antamikichan pygary, zamainbeꞌu rinhei idiaꞌan.” Dirib wyn daynaꞌan, Luzia nhikynyichap zii, ykaxaꞌurdan unhikynyy.

DAMARIS AICHIPAN DUN KAINHAꞌA CANCER UAIKYꞌU IDIAꞌA, udary kian uꞌat: “Kanum pyxaꞌapat? Panadun pyxaꞌapatnii aimeakan ydikeydaꞌu, yryy id wyryy aimeakan xaꞌapat py tym. Tuminkery antamikichan pygary.” Tyykii Damaris nhikynyy kaxaꞌuran udary naꞌapam id uꞌat.

Kutyaꞌu diꞌik atii kai pidiannau diꞌitinpen Tuminkery patakaꞌytan pidiannau rinhei kid idiaꞌan. Karichi Hábitos e Costumes das Terras Bíblicas, inglês idiaꞌanaꞌu, kuwadan naꞌapam pidiannau diꞌitinpen Cristo kamuun dun. Dirib pidiannau mixidian “pidiannau uu pairibennau xaꞌaptan id uiaꞌu, inkarinhan. Pidiannau diꞌitinpen in karinhan pauian idiꞌu.” Karichi Medicina Medieval e a Peste, inglês idiaꞌanaꞌu, kian dirib wyn Cristo daynaꞌan “pidiannau diꞌitinpen Tuminkery kaiween rinhei kid papatakaꞌyt kinha nii.” Ykayꞌan, Tuminkery patakaꞌytnii man dirib uinheinhau pidiannau maukainhawyz 600 wyn kutyaꞌanaa peste negra xaꞌapan Europa ii uu peste negra xaꞌapan bactérianau id naꞌap aichipabainhau kian kawan? Panadun pabiꞌikid pidiannau diꞌitinpen: Tuminkery man wyryy kaiweꞌuraz rinhei kid pidiannau kawinipinat kinha nii pauian kid? a

PIDIꞌITINHAP: Aunaa Tuminkery patakaꞌytan pidiannau rinhei kid id naꞌik baitinkery id inxaꞌaptan dun uiaꞌu, Tuminkery patakaꞌytan an man pidiannau naꞌap, aunaa kandi nii Disu kakydan karinhainhau, mazan Disu kakyd dirib pidiannau, ymaxaapankan dun imiꞌi baaraꞌa. (Matthew [Mateus] 4:23, 24) Aunaa naꞌapainin ydikinchipan Tuminkery, mazan karikeunan Disu izuꞌutin paDary. Disu kian: ‘Unkunaykikidian Tuminkery ipei aimeakan unxaꞌapatnii idiaꞌan.’ Naꞌik ykian kapam ‘unxaꞌaptan ipei aimeakan unDary diyydan kawan at ungary.’ — John (João) 8:29; 14:31.

Tuminkery Karichian kian, Tuminkery Yewah ‘aunaa naꞌapainim nii yxaꞌaptan uiaꞌu.’ (Deuteronomy [Deuteronômio] 32:4) Aunaꞌu nii Yewah waut kidian avião yzui kinha nii irib pidiannau baydapaꞌu pidian uian dikin ii! Abraão, yryy kaimenaꞌu Tuminkery puchury, yaichipan kaimen Tuminkery kadyz. Abraão kian aunaa naꞌapainim nii Yewah ‘mainhaabatan kaimenainhau dikeydainhau tym’ naꞌik ‘mynap Yewah ai yxaꞌapat kinha nii naꞌapaꞌu.’ (Genesis [Gênesis] 18:23, 25) Tuminkery Karichian kian kapam aunaa naꞌapainim nii ‘Tuminkery xaꞌaptan uiaꞌuꞌ uu ‘panaꞌitiꞌu aimeakan kid.’ — Job (Jó) 34:10-12.

NAꞌAPAM TUMINKERY PARADAN TUMINHAPKIDIAN

Wabaitinhan dun, aunaa kiz wadiꞌitinpen Tuminkery wyryy patakaꞌytaꞌuraz waynau, waxaꞌapatnii uiaꞌu dikin ii. Disu pa aipenat ykuwadan wyryy daꞌy, yryy naꞌik ytuminhapkidininhau ikudan dunuꞌuraz daunaiura ixaawynyn paxaktan diꞌikiꞌu. “Sariap ytuminhapkidniinhau pixaanyz, ‘Tiichaa, kanum uian idiꞌu arawu xaktan ixaawyn nii, pa uian idiꞌu uu ydarynau uian idiꞌu?’ Disu kian inꞌat: ‘Yxaktan ixaawyn nii, aunaa pa uian, uu ydarynau uian idiꞌu man, mazan y ixaawynyn idiaꞌanaꞌu nii Tuminkery maꞌuzkan kainhaabatkau.’” — John (João) 9:1-3.

 Disu kamuun dun, dirib pidiannau diꞌitinpen Tuminkery kaiween rinhei naꞌik baitinkery papatakaꞌyt kinha nii pidiannau, ykayꞌan Disu kian dun, wyryy daunaiura xaktan ixaawyn nii aunaa pauian uu ydarynau uian idiꞌu man, tyykii ytuminhapkidininhau diꞌitinpen. Disu, aunaa ykakydan man karikeunan ixaawyn, mazan yaidi kid aunaa Tuminkery patakaꞌytan pidiannau rinhei uu baitinkery id. (John [João] 9:6, 7) Wynauꞌu atii dubatpainhawyz kaxaꞌapannaa kidiaꞌu aimeakan parinhaa dikin ii, ymaꞌuzakad ynhikynyy, yaichipan id aunaa Tuminkery aipenatiꞌu man yryy baitinkeryz.

Kanum Tuminkery Paradan kuwad waꞌat

• “Tuminkery, aunaa naꞌapainim ytiweekidipan pidian uiaꞌu daꞌyat; naꞌik Tuminkery, aunaa naꞌapainim yxaꞌapatan uiaꞌu ytiweekidiapkau dun.” (JAMES [TIAGO] 1:13) Ykiaꞌazun, aunaa Tuminkery kaiween aimeakan uii kidiaꞌu patiweekidiap kinha nii pidiannau. Mazan mixiꞌuraimen atazunaa Tuminkery mainhaabatan nii ipei uii kidiaꞌu aimeakan. Ymainhaabatan nii rinhei kid, baitinkery kid naꞌik mauwakary.

• Disu Cristo “ykakyd ipei karinhainhau.” (MATTHEW [MATEUS] 8:16) Yxaꞌaptan id naꞌap, Disu aidi naꞌapam nii paxaꞌaptan karinhainhau daꞌaa imiꞌibaaraꞌa, panaubunaitinpen dunuꞌunaa Tuminkery Naubunaitinhapkiz ii.

• “Ipeiꞌu nii y inuan in awyn uu kid, aunaꞌu niꞌi naa pauwaꞌa pidian maukan, uu kaxaꞌuran, uu zaadayzun uu baiaapan kaziweꞌu. Yxaꞌapanym kayꞌan kiwiichipaꞌuraz uiaꞌu xaꞌaptayzun kariwei kidiaz mainhaabatkau idiꞌi naa.” — REVELATION (APOCALIPSE) 21:3-5.

YKAYꞌAN KANUM AIPENATIꞌU?

Ykayꞌan, kandii nii kainhaꞌa tyykii baitinkery? Kutyaꞌu diꞌik atii kai, pidiannau aichipaꞌazun wyryy pixaakary dakuꞌitikeu. Aunaa an Tuminkery aipenatiꞌu yryy baitinkeryz, ykayꞌan kanum aipenatiꞌu? Watuminpen nii pauwaꞌa zii bauran tuminhapkary diꞌii.