NAꞌAPAM WATUMINPEN TUMINKERY TUMAN DIꞌIK WAYNAU

Kainhaꞌa karichi kid ykuwad tyryy wa abatinpen wanhikynyy ii bauran pidian kawan ykaxaꞌurtinhan dun uu bauran aimeakan xaꞌapan dun. Daktaa Rick Hanson kuwad: ‘Ipei pidiannau panhikynyy ii, in abatinpen naꞌap bauran abatinpen kawan inkaxaꞌuran dun uu inkunaykian dun, naꞌapauram naa waxaktan.’

PIDIꞌITINHAP: Pidiannau panaꞌaꞌu bauran Tuminkery tuminii kid ai, yxaꞌapanym kayꞌan suu pidiannau inkaꞌichi pa abatinpen panhikynyy ii naꞌap bauran kawan. Mazan kandii nii wakaꞌichi wa abatinpen naꞌap? Tuminkery Paradan kuwad Tuminkery tuminii waynau paygary kawan. (Genesis [Gênesis] 1:26) Ykayꞌan pidiannau aidinhan kaimenaꞌu pakadyz Tuminkery dikin ii, yryy id watamakpan Tuminkery kadyz. Pidian kaxaꞌurkidian dun bauran pidian naꞌik ykaminkeꞌytan yryy yaidian wyryy watumik Yewah kadyz. — Proverbs (Provérbios) 14:31.

NAꞌAPAM TUMINKERY KARICHIAN TUMINHAPKIDIAN

Aunaa Tuminkery naydpan ytykpan wadubatpan dadaraꞌu aimeakan. Kutyꞌanaa Israelitanau dubatnii kaxaꞌapannaa kidiaꞌu Egito ii. Ydaynaꞌan indubatpan dadaraꞌu aimeakan inmaxaapan 40 wyn amazada mapidian taakau ii. Tuminkery Karichian kuwad naꞌapam Tuminkery abatinpen inbaiapan id: ‘Israelitanau patakaꞌytinhan dun, Tuminkery patakaꞌytinhan kapam.’ (Isaiah [Isaías] 63:9) Tuminkery kaxaꞌur kidian panhikynyy ii ytykpan id Israelitanau indubatpan dadaraꞌu aimeakan. “Un aichap kaimenaimen naꞌapam unpuchurynau patakaꞌytinhan.” (Exodus [Êxodo] 3:7) Ykian kapam “kanum antamikichan pygary, naꞌap ypixtan un awyn kawynyꞌu.” (Zechariah [Zacarias] 2:8) Ykiaꞌazun pidian antamikichan dun Tuminkery puchury, Tuminkery tykpan id, ykaxaꞌuran.

Panadun pidiꞌitinpeyznii “aunaa un xaꞌaptan kaimen kidiaꞌu aimeakan, yryy id aunaꞌu nii Tuminkery kamynan kidian ungary”. Mazan mixiꞌu Tuminkery Paradan kian: “Tuminkery pauwaꞌaꞌu zii imanawynyꞌu wanhikynyy ai”. (1 John [1 João] 3:19, 20) Tuminkery aichiapan waynau kaimenaimen, pauwaꞌa zii wa ai. Tuminkery aichiap ipei aimeakan wa maxaapan daꞌy naꞌik yaichiap kapam ipei aimeakan wanhikynyy ii. Wabaiaapan dun kaziweꞌu Tuminkery naꞌap kapam yabatinpen. Wadubatpan dun kaxaꞌapannaa kidiaꞌu kainhaꞌa Tuminkery wa tym, ymaꞌuzakad wanhikynyy, ytaa aichipabakary waꞌat naꞌik ykaminkeꞌyt wamixidian wapatakaꞌytinhan dun ykaminkeꞌytan nii waynau.

 Tuminkery Paradan kuwad

• “Pipixaan dun Yewah ydakuꞌutin nii. Pipixaan dun pymikei nii, pydupian dun, ykian nii: ‘Diꞌidaꞌa ungaryꞌu!’” — ISAIAH (ISAÍAS) 58:9.

• “‘Un aichiap kaimenaimen kanum untaꞌazun yꞌat, un aipen ymaxaapan kaimen, aunaa ybaitinhan man, untaꞌazun yꞌat aimeakan diinheꞌitiꞌi naꞌik yzaidap kinhaꞌa niꞌu. Naꞌik yturinpen dun un at ydupian dun, un abatan nii ynau.’” — JEREMIAH (JEREMIAS) 29:11, 12.

• “Aizii pyzamat un awyn yy kid pypytuzyn (odre) nazu it. Ysaadinpen man ykarichian idiaꞌa?” — PSALM (SALMO) 56:8.

TUMINKERY AICHIAP WAKAXAURTINHAN DUN NAꞌIK NAꞌAP KAPAM YABATINPEM

Naꞌap watykpan kawan, wakaxaꞌurtinhan dun, Tuminkery naꞌap kapam yabatinpen. Wa aichipan id naꞌapaꞌu daꞌy, maꞌuzakad waynau, wadubatpan kaxaꞌapannaa kidiaꞌu aimeakan? Pytykap kanum xaꞌap Maria at:

“Undan maukan 18 ywynyn, ykarinhan câncer id. Undiꞌitinpeyznii kaxaꞌapannaa manawyn unkakypan, yryy id tyykii untuꞌuran Yewah at, yxaꞌapanym kayꞌan aunaa ykakydan undan.

“Baydap-bakayanit wyn daynaꞌan unkuwadnii unminhaydaꞌy at baukuptinkizei diꞌii naꞌapam un abatinpen, unkinii uꞌat “aunaa Yewah marainpen ungary”. Utaapnii ungary kamarainpenyꞌu idiaꞌan, uabatnii unparadan un tumyniꞌik uꞌat, aunaa umaxaatan ungary, uaidinii baydap saadinpeꞌu Tuminkery Karichian diꞌik, pixtaꞌuraz unnhikynyy. Wyryy saadinpeꞌu 1 John (1 João) 3:19, 20, ykian: ‘Tuminkery pauwaꞌa zii imanawynyꞌu wanhikynyy ai, naꞌik yaichiap ipei dynydyꞌu aimeakan’, ydaynaꞌan ukuwadnii un at Yewah aichiap kaimenaimen kanum undubatpaniaz.

“Mazan ypyꞌy zii tuꞌur un abatinpen un nhikynyy ii. Ydaynaꞌan un aichian naꞌapam Psalm (Salmo) 94:19 kian: ‘Undupian dun tyykii, pykaimen kid un nhikynyy naꞌik maxaꞌa py taap kidian un nhikynyy’. ‘Wyryy saadinpeꞌuraz ikudazuꞌu tawyryꞌu saadkariwei un at. Yryy daynaꞌan unkaꞌichi unkuwadan Yewah at unbaiapnii dayꞌan. Ykayꞌan kaimen un abatinpen, un aichiap yabat ungary naꞌik yaichiap naꞌapam un abatinpen.’

Kaimen zii wa aichiapan id Tuminkery aichiap naꞌapam wa abatinpen naꞌik ykaxaꞌur kid wabaiaapan dun kaziweꞌu! Mazan kandii nii irib baitinkery? Tuminkery man wyryy baitinkidiaꞌuraz waynau, wa uian dikin ii? Kanumaꞌu nii man yxaꞌapat ymainhaabat kinha nii baitinkery? Diura pixaakariwei kid, dakuꞌatkery nii bauran tuminhapkary kid diꞌii.