“Naꞌiam Tuminkery?”
“DIRIB PIDIANNAU INPIXEIN: NAꞌIAM TUMINKERY?” — Imanawynyꞌu kazuwaytipaꞌu Católica Chuchin Bento XVI ykian naꞌap ymuruwaytpan dun tarakizei Auschwitz amazada, Polônia ii.
KICHANAꞌIKIAꞌU AIMEAKAN XAꞌAPAN DUN PY TYM, PANADUN PIPIXEIN KAIKEPAꞌA: ‘NAꞌIAM TUMINKERY?’ UU PYDUBATPAN DUN DADARAꞌU AIMEAKAN PIDIꞌITINPEN KAIKEPAꞌA: ‘TUMINKERY MARAINHAPNII MAN UNGARY?’
Panadun piabatinpen naꞌap Sheila kawan, umaxaapaꞌuraz Estados Unidos ii. Uiribennau maꞌuzaka inmixidian Tuminkery, Sheila kian: “Un aichiap Tuminkery watumik. Yryy id, unkuraidiaunaan dun un aichipaꞌazun yryy daꞌy. Mazan, aunaa unmixidian yminhaydaꞌychipan ungary. Undiꞌitinpen Tuminkery mynap un ai. Un aichap aunaa ytuꞌuran un at, mazan undiꞌitinpen kapam aunaa ytaapan ungary.” Kandii nii Sheila aunaa umixidian Tuminkery marainpen paygary? Ukuwad: “Un iribennau dubat kichanaikiaꞌu aimeakan kid, yryy id undiꞌitinpen aunaa Tuminkery marainpen waynau.”
Naꞌap Sheila kawan, panadun maꞌuzak pimixidian kainhaꞌa mixiꞌu Tuminkery. Mazan, ypyꞌy zii aunaa pimixidian ymarainpen pygary. Kutyaꞌu diꞌik, kaimenaꞌu daunaiura, ymixidian kainhaꞌa aichipabaꞌu Tuminkery naꞌik watumik. Yryy diꞌitinpen naꞌap Sheila diꞌitinpen kawan. Y yy Jó. (Job [Jó] 2:3; 9:4) Jó dubatpan dun dadaraꞌu aimeakan — naꞌik aunaa id ykakydan — ypixan Tuminkery at: “Kandii nii pidizan piawyn baara un ai naꞌik pytykpan ungary pytarybnii?” — Job (Jó) 13:24.
Naꞌapam Tuminkery Karichian kian? Mixiꞌu man Tuminkery xaꞌaptan dikeydaꞌu aimeakan pidiannau at? Kanum yxaꞌapat yaidian ymarainpen ipei pidiannau? Tyryy man wamixidian Tuminkery aichap naꞌapauram wa abatinpen naꞌik ykaminkeꞌyt wadubatpan dun kichanaꞌitikiaꞌu aimeakan?
Tuminkery tuman ipei waynau panaꞌaꞌu bauran aimeakan kid ai. Yxaꞌaptan id naꞌap yaid ymarainpen ipei pidiannau. Bauran tuminhapkary kid diuraz karichi idiaꞌa watuminpen nii naꞌapam Yewah tuman pidiannau. (Romans [Romanos] 1:20) Watuminpen kapam naꞌapam Tuminkery Paradan Karichianaa kuwad Yewah marainpen ipei pidiannau. Watuminpen dun Tuminkery Paradan naꞌik wa awynyytpan aimeakan kid Tuminkery tuminii, wa aichipan kaimenaimen yryy dayꞌan. Pyxaꞌaptan dun naꞌap pauwaꞌu nii zii pimixidian Tuminkery taapan pygary. — 1 John (1 João) 2:3; 1 Peter (1 Pedro) 5:7.
Pynaydpan nii kapam
AWYNYYTPAꞌU
Tuminkery nhikynyichap man pygary?
Kanum idiaꞌan piaichipan Tuminkery nhikynyichap pygary?
