Geeshsha Maxaafaa zaaruwaa

 Geeshsha Maxaafan aadhida eratettaa qaalay daroy deꞌees. Gidikkokka, Geeshsha Maxaafay babaa woygiyaakko beꞌa: “Xoossaa maxaafa ubban Xoossaa Ayyaanai de7ees.” (2 Ximootiyoosa 3:16) Hegee tuma gidiyoogaa qonccissiya daro naqaashati deꞌoosona. Kaallidi deꞌiyaagaa akeeka:

•   Geeshsha Maxaafay taarikiyaara gayttidaagan likke gidiyoogaa palamettidi shatimmida asi baawa.

•   Geeshsha Maxaafaa xaafidaageeti aynne qottennan xaafida ammanettida asata. Hegee eti xaafidobay tuma gidiyoogaa qonccissees.

•   Geeshsha Maxaafan issi kane qofay deꞌees; hegeekka, asaa haarana bessiyay Xoossaa gidiyoogaanne saluwan deꞌiya ba Kawotettaa baggaara I ba halchchuwaa polanaagaa.

•   Geeshsha Maxaafay xaafettoosappe shaꞌan qoodettiya laytta gidikkokka, saynisiyaara gayttidaagan beni wode daro asay ammaniyo bala qofay an baawa.

•   Taarikiyan xaafettidabati Geeshsha Maxaafaa hiraagati woy kasetidi odettidabati polettidoogaa qonccissoosona.