Geeshsha Maxaafay yootiyobaa

 Ee; ayssi giikko, Xoossay asay issippe shiiqidi goynnanaadan koyees. Geeshsha Maxaafay hagaadan gees: “Siiquwawunne loꞌꞌo oosuwawu denttettanawu simi issoy issuwabaa qoppoos; . . . nuuni issippe shiiqiyogaa aggokko.”—Ibraawe 10:24, 25.

 Yesuusi bana kaalliyageetuyyo, “Intte issoy issuwa siiqiyogan, asay ubbay intte tana kaalliyageeta gidiyogaa erana” giido wode eti daraajjayettanaagaa qonccissiis. (Yohaannisa 13:35) Yesuusa kaalliyageeti bantta mala Kiristtaanetuura issippe shiiqiyogee he siiquwa bessiyo waanna oge. Eti ubbatoo goynuwawu issippe shiiqiya galchchatun daraajjayettana koshshees. (1 Qoronttoosa 16:19) Eti issippe, kumetta saꞌan deꞌiya ishanttu maabara gidana.—1 Pheexiroosa 2:17.

Issi haymaanoote yara gidiyogaappe aarobay koshshees

 Geeshsha Maxaafay asay Xoossawu goynnanawu issippe shiiqana koshshiyogaa yootikkokka, issi uri issi haymaanoote yara gidiyogaa xallan Xoossaa ufayssana danddayiyogaa tamaarissenna. Issi uri Xoossaa ufayssanawu A haymaanootee A deꞌuwa laammana koshshees. Leemisuwawu, Geeshsha Maxaafay hagaadan gees: “Nu Xoossaanne Aawaa sinttan geeshshanne tunibeenna haymaanootee hagaa: Aawi aaya baynna naatinne amꞌꞌeti waayettiyo wode eta maaddiyogaa, qassi saꞌaa asaa tuna ogiyappe shaahettiyogaa.”—Yaaqooba 1:27, tohossa qofaa.