Murowe mpantta wa sirimuhina

Murowe mpantta wa menu a nenli

Anamoona a Yehova

Emakhuwa

SOOSOMA SIRUMEELIWAKA IVIIDIYU

Masu Oopacerya a Iliivuru sa Biibiliya

Iviidiyu iya saamukhaani sinniniixuttiha itthu sootthuneya sa iliivuru sa mBiibiliyani. Murumeeleke itthu siniixutta anyu okathi munipaka anyu yoosoma anyu ya Biibiliya.

Masu Oopacerya a Eliivuru ya Ezira

Yehova onnaakhwaniherya yooleiherya ya owoopola atthu awe yaatthukiwe oBabilonia ni onnittikiherya okokhorela wa ekeekhai oYerusalemu.

Masu Oopacerya a Eliivuru ya Estheri

Itthu saakhumelenle mahiku a Estheri sinrowa olipiha waamini wanyu wira Yehova Muluku onoowerya owoopola atthu awe mahiku ala.

Masu Oopacerya a Eliivuru ya Yobi

Waamini wa atthu otheene animphenta Yehova onimweehereriwa. Eliivuru ya Yobi enninroromeliha wira vannireerela ovikaniha okhala oororomeleya ni okhaliherya ehakhi ya olamulela ya Yehova.

Masu Oopacerya a Eliivuru ya Masalmo

Eliivuru ya Masalmo ennittittimiherya ehakhi ya olamulelo ya Yehova, ennaakhaliherya ni waamaaliha ale animphenta Yehova, ni ennooniherya wira owo onooreeriha elapo ela orumeelaka Omwene awe.

Masu Oopacerya a Eliivuru ya Miruku

Mphwanye malakiheryo anikhuma wa Muluku anivareleya muteko khula okathi—sikhale mixankiho sa vatthokoni wala sa nakoso.

Masu Oopacerya a Eliivuru ya Musuweli

Mwene Salomoni onnittittimiherya itthu sootthuneya mweekumini ooniheryaka ovirikana waya ni osuwela wa Muluku.

Masu Oopacerya a Eliivuru ya Nsipo N’ophentana

Niphento na ekeekhai na mwali a oXulami ni mmiravo makampusi ninnihimmwa okhala ‘moro onikhuma wa Yehova’. Xeeni?

Masu Oopacerya a Yesaya

Eliivuru ya Yesaya yookhalana iprofesia sa ekeekhai seiyo sinrowa olipiha waamini wanyu wira Yehova onrowa Waakhwaniherya sooleiherya sawe ni wira owo Muluku onnoopola.

Masu Oopacerya a Eliivuru ya Yeremiya

Ororomeleya wa Yeremiya waahimukhaliherya omaleliha muteko aahiwa awe hata aalupatthiwa. Muupuwele moota ntakiheryo nawe nnaakhaliherya aya maKristau olelo-va.

Masu Oopacerya a Eliivuru ya Wikhupanyerya

Elempwale ni profeta Yeremiya, eliivuru ya Wikhupanyerya ennooniherya oriipiwa murima mwaha wa opwetexiwa wa Yerusalemu ni ennooniherya moota ottharuwa oniiriha aya oleveleliwa ni Muluku.

Masu Oopacerya a Eliivuru ya Ezekiyeli

Mowiiyeviha ni moolipa murima Ezekiyeli aahipaka itthu sotheene aavekeliwa awe ovara ni Muluku, hata iye sooxankiha. Ntakiheryo nawe ninnivareleya muteko olelo-va.

Masu Oopacerya a Eliivuru ya Daniyeli

Hata Daniyeli ni akhwaawee yeehereriwa, awo, yaahivikaniha omuroromela Yehova. Ntakiheryo naya pooti onikhaliherya okhala oororomeleya ole-va, vaavo nnoona ahu siiraneyaka iprofesia sa mahiku ala wookiserya.

Masu Oopacerya a Eliivuru ya Hoseya

Eprofesiya ya Hoseya enniniixuttiha itthu sinceene olelo-va voohimya sa moota Yehova aarowa awe waamorela ikharari atthu ootthruwa ni enamuna ya okokhorela eniphavela awe.

Masu Oopacerya a Eliivuru ya Yoweli

Profeeta Yoweli aahilavula sa nihiku nuulupale na Yehova ni aahihimya etthu ninttheneya ahu opaka wira noopowe. Eprofesiya awe ti woowaakuveya.

Masu oopacerya a Eliivuru ya Amosi

Yehova aahimurumeela muulopwana ole oowiiyeviha wira ovare muteko wootepa otthuneya. Exeeni nniixutta ahu ni ntakiheryo na Amosi?

Masu Oopacerya a Eliivuru ya Obadiya

Eliivuru ya Obadiya teri yookhuveyaxa mwa iliivuru sa Soolempwa sa eHeeberi, wala Waataana wa Khalai. Eprofesia ela ennivaha nlipelelo ni yooleiherya ya moota Omwene wa Yehova Muluku onrowa aya okhala mookathi woohimala.

Masu Oopacerya a Eliivuru ya Yona

Profeta Yona aaheemerenrya ottaruxiwa, waakhwaniherya muritti aavahiwe awe, ni wiixutta itthu sootepa otthuneya voohimya sa omoriwa ikharari wa Muluku. Itthu saamukhumelenle sinimoolipihani.

Masu Oopacerya a Eliivuru ya Mikeya

Eprofesia ela yuupuxeriwe ni Muluku pooti olipiha ororomela wahu wira Yehova onnivekela paahi ele eniwerya ahu ni enniphwanyiha mureerelo.

Masu Oopacerya a Eliivuru ya Nahumi

Eprofesia eyo enninroromeliha wira Yehova okathi wotheene onnaakhwaniherya moolumo awe ni onnaamaaliha otheene yaale aniphavela murettele ni woopowa moomweneni mwawe.