Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Setembro 2016

 MAKHALELO A MAKRISTAU

Nilokiherye Inamuna Sahu Soolaleerya—Naalattuleke Ale Anisiveliwa Ekeekhai Orowa Omuthukumanoni

Nilokiherye Inamuna Sahu Soolaleerya—Naalattuleke Ale Anisiveliwa Ekeekhai Orowa Omuthukumanoni

OTTHUNEYA WAYA: Mithukumano sinninivaha eparakha khula esumana ya “omwiipela Yehova” ni “onvuwiha”. (Esa 149:1) Omuthukumanoni, hiyo ninniixuttihiwa yootthuna ya Muluku. (Esa 143:10) Ale anisiveliwa ekeekhai ni ale anaasomiha ahu Biibiliya annaakuva orowa vahoolo yakhala wira annirowa owiriyana mithukumano.

MOOTA WOOPAKA EYO:

  • Muhipiseke omulattula khula mutthu. Khivanitthuneya opaceriha yoosoma ya Biibiliya wira mmulattule.Wis 22:17.

  • Mmutthokiheryeke khula mutthu onisiveliwa ekeekhai ele eniiraneya omuthukumanoni ni etthu enrowa olavuliwa. Nyuwo pooti orumeela ikaruma iya sinittharelana: Nlattulo na mithukumano sa mmulokoni, eviidiyu Exeeni Eniiraneya Empa ya Omwene?, ni soosoma 5 ni 7 sa ebroxura Yootthuna ya Yehova.

  • Mmukhaliheryeke. Niireke ole onisiveliwa ekeekhai onitthuneya opakhiriwa wira ophiye omuthukumanoni wala omukhaliherya othanla soowara sooreerela? Mukilaathiki hoothe omuthukumanoni, nweheke hoothe iliivuru sanyu. Mmusuweliheke anna.