Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Outubro 2017

 MAKHALELO A MAKRISTAU

Mukhaleke Mwa Enamuna Eninvuwiha Yehova!

Mukhaleke Mwa Enamuna Eninvuwiha Yehova!

Ekumi ti yoovaha yuulupalexa erina ahu. Enamuna enirumeela ahu yoovaha eyo khula nihiku ennooniherya naaxukhurelaka. Hiyo nikhanle Anamoona a Yehova, ninnimananiha orumeela khula etthu enisuwela ahu wira ninvuwihe ni omuttottopela Yehova, yoowo onivanhe ekumi. (Esa 36:10; Wis 4:11) Masi, mixankiho sa khula nihiku olumwenku ola wootakhala pooti opahula moowaakuveya makhalelo ahu ooloka a omunepani. (Mar 4:18, 19) Tivonto vanireerela aya khula mmosa a hiyo wiikoha so: ‘Kiireke kinninvaha tthiri Yehova ele yoolokexa erina aka? (Ho 14:2) Muteko onivara aka onikirowana vai? Soolukama xeeni sa omunepani sirina aka? Kinrowa wunnuuherya sai muteko oninvarela aka Muluku?’ Vakhala wira munnoona epantte enireerela anyu olokiherya, munvekele Yehova wira ookhaliheryeni owerya opaka eyo. Moohaaniherya, onvuwiha Yehova khula nihiku onrowa oniphwanyiha ekumi yoohakalaliha ni ehinimala!​—Esa 61:9.

Munirumeela itthu sinisuwela anyu wira mmukhaliherye pani?

NWEHE EVIIDIYU ENI: MURUMEELEKE ITTHU SINISUWELA ANYU WIRA MUNVUWIHE YEHOVA, NUUMALA-VO MWAAKHULEKE MAKOHO ALA ANITTHARELANA:

  • Xeeni vahinireerela aya orumeela itthu sinisuwela ahu wira nikhaliherye olumwenku wa Satana? (1 Yoh 2:17)

  • Mareeliho xeeni anaakhela aya ale aninvaha Yehova khula etthu yoolokexa arina aya?

  • Miteko xeeni sa Muluku sinoona anyu wira vaamureerela wiivahererya okhaliherya murumeelaka itthu sinisuwela anyu?