Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Outubro 2016

 MAKHALELO A MAKRISTAU

Niireke Munnirumeela Saana Ikartau JW.ORG?

Niireke Munnirumeela Saana Ikartau JW.ORG?

Okhala wira maxakha maalupale annaattamela, nihaana waakuvela ovara muteko woolaleerya. (Mir 24:11, 12, 20) Wira naakhaliherye atthu anceene, hiyo pooti orumeela ikartau wira atthu awo apacerye osiveliwa Nuulumo na Muluku ni amusuwele websaiti ahu. Ekar­tau eyo yookhalana ekoodiko enikumiherya eviidiyu eni Xeeni Vanitthuneya Anyu Omusoma Biibiliya? ni nlattulo wira mutthu owo osuwele soohimmwa sikina wala ovekele yoosoma ya Biibiliya. Aakhala atthu ahiniphavela waakhelela iliivuru sahu, masi aneemya okela esaiti ahu. Tivonto vanireerela ahu ohoovelela waavaha ekar­tau ela atthu otheene. Masi muhihiyeke ekartau eyo etthoko ehikhanle atthu wala onvaha mutthu ohinooniherya osiveliwa.

Okathi onivara anyu miteko sanyu sa khula nihiku, nyuwo pooti omwiiriha mutthu osiveliwa ekeekhai mulavulaka so: “Ehaavo etthu eniphavela aka woovahani. Ekartau ela enimoosuwelihani esaiti erina soohimmwa ni iviidiyu sinilavula myaha soovirikana”. (Yoh 4:7-8) Okhala wira ikartau iyo saamukhaani, nyuwo pooti okuxa khula okathi wira mmukaweleke khula mutthu.