Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Novembro 2016

 MAKHALELO A MAKRISTAU

Moota Woorumeela Eliivuru Biibiliya Onniixuttiha Exeeni?

Moota Woorumeela Eliivuru Biibiliya Onniixuttiha Exeeni?

Eliivuru Biibiliya Onniixuttiha Exeeni ni Biibiliya Oniixuttiha Exeeni simmala oomulikanaka. Ikaruma iya piili siniixuttiha ekeekhai emosaru ni miru saya sinoolikana. Masi, eliivuru Biibiliya Onniixuttiha Exeeni enirumeela moolumo ookhweya ni oowiiwanyeya. Eyo epakeliwe waakhaliherya atthu ale anoona ovila wiiwexexa eliivuru Biibiliya Oniixuttiha Exeeni. Ohiya okhalana apendise, eliivuru Biibiliya Onniixuttiha Exeeni erina inoota wanikisa wa eliivuru sinitthokiherya moolumo ni myaha soovila wiiwexexa siri muhina mwa miru. Miru saya khasirina makoho wanipacerya wala ekaaxa ya wuuluula wanikisa. Masi eyo erina iponto suulupale sinittittimiherya ekeekhai ya mBiibiliyani esommwale. Moolikanasa ni eliivuru Biibiliya Oniixuttiha Exeeni, eliivuru Biibiliya Onniixuttiha Exeeni pooti okaiwa khula okathi, hata ehikhanle eliivuru enikaiwa mweeri owo. Ninrowa orumeelaka sai eliivuru Biibiliya Onniixuttiha Exeeni okathi woowiiriha yoosoma ya Biibiliya?

IPONTO SUULUPALE: Anamunceene ennaasivela enamuna eniiriha ahu yoosoma ya Biibiliya nirumeelaka eliivuru Biibiliya Oniixuttiha Exeeni, nisomaka ittima nuumala-vo khiyapaka nikoho. Masi, vanikhala vooxankiha, akhala wira ole onimusomiha ahu Biibiliya khonisuwela saana nttaava nlo, wala khonisuwela osoma. Mwamphwanya mutthu siiso, nyuwo pooti orumeela eliivuru Biibiliya Onniixuttiha Exeeni. Nto murumeeleke iponto suulupale sa khula muru ni omutumererya mutthu owo osoma ittima sotheene mekhawe. Khuta ekeekhai ya mBiibiliyani pooti osommwa muhina mwa minutu 15. Okhala wira iponto suulupale khasinihimya itthu sinceene, ole oniixuttiha ohaana wiilokiherya saana, uupuwelelaka makhalelo a mutthu onimusomiha awe. Vakhala wira munipaka yoosoma murumeelaka ittima, nto pooti orumeela iponto suulupale wira muuluule muru owo.

INOOTA SIRI WANIKISA: Moolumo ni myaha sinitthokiheriwa ni inoota siri wanikisa, sipwehiwe moovarihana ni miru sa muliivuruni. Ole oniixuttiha pooti othanla othokorerya inoota iyo wala nnaari okathi wa yoosoma erumeeliwaka eliivuru Biibiliya Onniixuttiha Exeeni?