Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Novembro 2016

 MIHAKHU SINIKHUMA MBIIBILIYANI | MIRUKU 27-31

Biibiliya Onnitthokiherya Makhalelo a Muthiyana Ookhoomala

Biibiliya Onnitthokiherya Makhalelo a Muthiyana Ookhoomala

Eliivuru ya Miruku ekapiitulu 31 enilavula sa miruku soovareleya muteko Mwene Lemuweli aavahiwe awe ni ameyawe. Miruku iyo saahimukhaliherya owo osuwela omuthanla muthiyana ookhoomala.

Muthiyana ookhoomala toororomeleya

31:10-12

  • Nnaamwi owo okhalaka oowiixiweleliha, onnimukhaliherya iyawe opaka soothanla sooloka vatthokoni.

  • Iyawe onnimweemererya opaka soothanla sikina hata ohipacenrye omukoha, okhala wira ookhalana ankhili.

Muthiyana ookhoomala toowiilipiha

31:13-27

  • Owo onnisuwela okhapelela mireerelo sa vatthokoni nto eyo enniiriha emusi awe owara ikuwo sooloka, soophwanela ni okhalana yoolya eniphiyerya.

  • Owo onnivara miteko sawe mooluttuweliwa ni onnaakhapelela atthu a vatthokoni vawe othana ni ohiyu.

Muthiyana ookhoomala onnisiveliwa miteko sa Muluku

31:30

  • Owo onnimoova Muluku ni ookhalana wataana wooloka ni yena.