Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Junyo 2016

 MIHAKHU SINIKHUMA MBIIBILIYANI | ISALMO 34-37

Mmuroromeleke Yehova ni Mpakeke Itthu Sinimusivela

Mmuroromeleke Yehova ni Mpakeke Itthu Sinimusivela

“Muhaakhaleleke . . . nrima ale anipaka itthu sootakhala”

37:1, 2

  • Muheemererye makhalelo anikhala ntoko ooloka a anatampi yooxelelihakani omurumeela Yehova. Mulipiheryeke owehexexa mareeliho ni soolakela sa omunepani.

“Mmuroromeleke Yehova ni mwiireke sooreera”

37:3

  • Muroromeleke wira Yehova onoowerya wookhaliheryani okathi onikhalana anyu mixankiho. Owo onimookhaliheryani ovikaniha okhala oororomeleya.

  • Mukhaleleke nthiti muteko wa olaleya ihapari sooreera sa Omwene wa Muluku.

“Mutteeliweke murima ni Yehova”

37:4

  • Mwaavyeke okathi wira musome ni muupuwelele Nuulumo na Muluku, wira mmusuwele saana Yehova.

“Mwiivahererye wa Yehova ni omuroromela”

37:5, 6

  • Mwaaminiki ni murima anyu wotheene wira Yehova onrowa wookhaliheryani oxintta muxankiho murina anyu.

  • Mukhalaneke mweettelo wooloka vanceenexa okathi onivaanyihiwa anyu, onilupatthiwa anyu, wala oramusiwa.

“Mukhaleke oomaala munwehereryaka Yehova”

37:7-9

  • Musyakeke opaka itthu moohuupuwela wira muhiyeleele ohakalala ni ovareleleya wanyu wa omunepani.

“Atthu oomaala anooreeriwa vathi-va”

37:10, 11

  • Mukhale oomaala, oowiiyeviha ni mmulipeleleke Yehova wira omalihe itthu sotheene sootakhala sinoohaaxani.

  • Mwaakhaliheryeke anna, mwaamaaliheke ale ari ooriipiwa murima ni yoolaiherya ya Muluku ya elapo esya yeeyo eri vakhiviru.

Omwene wa Mesiya onooruuha mareeliho manceenexa