Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Maio 2016

 MAKHALELO A MAKRISTAU

Niireke Munnimurumeela JW Library?

Niireke Munnimurumeela JW Library?

JW Library aplicativo ohinitumihiwa oniweemereryani ombaxari Biibiliya ni iliivuru sikina ohela muhina iviidiyu, ni iprograma soogravariwa, yoowo okhanle oorumeeliwa muselulaarini, tablet wala mucomputadoreni.

MUNROWA OMPHWANYA SAI?: Muhule interneti, nto mmustalari JW Library nipuro nniiriwa app store. Aplicativo owo onnivara muteko muselulaarini, tablet wala compudatore. Nlelo muryeene onlaine, mmuhule aplicativo owo ni muthanle itthu siniphavela anyu obaxarela mmaakinani mwanyu. Vakhala wira khamuniwerya orumeela interneti muryeene owannyu, woonasa wene nyuwo pooti orowa Empa ya Omwene, ebiibilioteka ya atthu otheene, wala mapuro aniiriwa internet café. Nuumala nyuwo obaxarale iliivuru mmaakinani mwanyu, khivanitthuneya-tho okhala onlaine wira musome iliivuru iyo. Masi, okhala wira sinnikumiheriwa itthu isya khula okathi va JW Library, muhaana ohulaka interneti okathi mukina wira mphwanye itthu sikumiheriwe ninaano.

XEENI VANITTHUNEYA ANYU OKHALANA? JW Library onnikhweiherya opaka yoosoma, ni ottharihela eprograma ya mithukumano. Onnikhaliherya okathi woolaleerya, vanceenexa okathi anilaleerya ahu moohiilokiherya.