Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Maio 2016

 MAKHALELO A MAKRISTAU

Inamuna sa Omurumeela JW Library

Inamuna sa Omurumeela JW Library

OKATHI WA YOOSOMA:

  • Mmusome Biibiliya ni yoolepa ya khula nihiku.

  • Mmusome Anuário, irevista ni iliivuru sikina. Murumeele ikaruma soovirikana.

  • Mulokiherye mithukumano sa mmulokoni ni mukwenyenye nipuro nnaakhuliwa aya nikoho.

  • Nwehe iviidiyu.

OMUTHUKUMANONI:

  • Musomeke soolepa sinihimmwa ni ole onilavula mwaha. Murumeele enamuna eni histórico wira mwaakuveke otthikela osoma soolepa sitthukunle anyu ninaano.

  • Ohiya okuxaka iliivuru sowaatta soowimpirimiriwa murowaka omuthukumanoni, murumeeleke maakina anyu wira mutthariheleke myaha sinilavuliwa ni wiipa isipo. JW Library ookhalana isipo isya sihiniphwanyaneya muliivuruni mwa isipo.

OKATHI WOOLALEERYA:

  • Akhala mutthu onisiveliwa ekeekhai, nto mmukhaliherye ombaxarela muselulaarini mwawe JW Library, ni iliivuru.

  • Murumeeleke enamuna eni procurar wira mphwanye iveersu sa mBiibiliyani. Vakhala wira munaavya efrase masi ehinakhumelela mBiibiliyani a Tradução do Novo Mundo a ninaano, mmutthukuleke Bíblia com Referências nto muthitteke-tho nipuro nni procurar.

  • Mooniheryeke eviidiyu. Vakhala wira mwaneene etthoko ookhalana anamwane, nyuwo pooti wooniherya iviidiyu sa mpantta oni Mukhale Mpatthani a Yehova. Wala pooti wooniherya eviidiyu eni: Xeeni Vanitthuneya Anyu Omusoma Biibiliya? wira mmukhaliherye weemererya yoosoma ya Biibiliya. Vakhala wira mutthu owo onilavula nttaava nikina, mmooniherye eviidiyu ya nttaava nawe.

  • Mmooniherye mutthu owo yoolepa ya nttaava nikina mbaxanri anyu. Mphwanye yoolepa eyo ni mutthitteke nummuru na eveersu wira mmooniherye moota etaphuleliwe aya ni aBiibiliya akina.