Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Junyo 2017

 MAKHALELO A MAKRISTAU

Mphwanye Ohakalala Mwaha wa Olaleya Ihapari Sooreera

Mphwanye Ohakalala Mwaha wa Olaleya Ihapari Sooreera

Niireke mootoko woona ovila muteko woolaleerya? Anamunceene a hiyo pooti waakhula wira aayo. Nthowa xeeni? Pooti wiiraka okathi munceene atthu khaniphavela oniwiriyana, anninihasula wala woova olavula ni atthu ahinaasuwela ahu. Tthiri eyo pooti ovukula ohakalala wahu. Hata vari siiso, hiyo nimmukokhorela Muluku oohakalala yoowo oniphavela wira nimurumeeleke mootteeliwa murima. (Esa 100:2; 1 Ti 1:11) Mathowa xeeni mararu anrowa onikhaliherya osiveliwa muteko woolaleerya?

Noopacerya, hiyo ninlaleya muhupi wa nlipelelo. Nnaamwi atthu anceene olelo ahirina nlipelelo, hiyo ninnisariha mirima sa atthu “ihapari sorera” sa itthu sooloka. (Yes 52:7) Nave ihapari sooreera sa Omwene wa Muluku sinniniphwanyiha ohakalala. Muhinatthi orowa olaleerya, muupuweleleke mareeliho anrowa oruuhiwa valaponi ni Omwene wa Muluku.

Na nenli, ihapari sooreera sinilaleerya ahu sinnaaphwanyiha atthu mireerelo sa werutthuni ni sa omunepani. Awo anniixuttihiwa wira attharuweke mweettelo woohiloka nto anniwehererya ekumi ehinimala. (Yes 48:17, 18; aRo 1:16) Hiyo na atthu anivara muteko wa waaphavela ni owoopola atthu. Nnaamwi atthu akina ahiphavelaka woopoliwa, hiyo nihaana ovikaniha ovara muteko owo.​—Mat 10:11-14.

Na neeraru, ni nootepexa otthuneya, okhala wira olaleerya wahu onninvuwiha Yehova. Tthiri owo onnivaha efaita muteko ahu woolaleerya. (Yes 43:10; aHé 6:10) Ohiya-vo, owo onninivaha munepa awe wootteela wira niwerye ovara muteko owo. Tivonto vanireerela aya omuxonttela Yehova wira onivahe ohakalala, weiwo oniirela mpantta muhokorokho wa munepa awe wootteela. (aGa 5:22) Nikhaliheriwaka ni Yehova, nnoowerya oxintta mixankiho sahu ni owerya olaleerya moolipa murima. (Mit 4:31) Moohicikha etthu sa moonelo wa atthu a mmuttettheni mwahu, hiyo ninrowa ovaraka muteko ahu woolaleerya moohakalala.​—Eze 3:3.

Munepa xeeni oniphavela anyu wooniherya okathi onilaleerya anyu? Munrowa wooniherya sai wira munnitteeliwa murima okathi onilaleerya anyu?

NWEHE EVIIDIYU ENI: MUTTHIKELE OPHWANYA OHAKALALA MWAHA WA OMUSOMA NI OMUUPUWELELA BIIBILIYA, NUUMALA-VO MWAAKHULEKE MAKOHO ALA ANITTHARELANA:

  • Xeeni vanitthuneya ahu okhalela nthiti olya yoolya ya omunepani, hata nivirihaka iwoora sinceene nilaleeryaka khula mweeri?

  • Mwa inamuna xeeni ninrowa ahu omutakiha Maria?

  • Okathi xeeni onoona anyu okhweya wuupuwelela Nuulumo na Muluku?

  • Exeeni enoophwanyihani otteeliwa murima okathi onilaleerya anyu?