Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Julyo 2017

 MAKHALELO A MAKRISTAU

Nikhalaneke Mweettelo Wooloka Okathi Onilaleerya Ahu

Nikhalaneke Mweettelo Wooloka Okathi Onilaleerya Ahu

MaKristau annooniwa okhala atthu ‘ooveeheya ohoolo wa olumwenku’. (1 aKor 4:9) Vano hiyo nihaana osuwela wira atthu anaalaleerya ahu okathi mukina anninithurumela vaxanelani wala oniwiriyana nlelo aryeene mpaani mwaya. Sookhala inupa sirina maakina ni mikrofooni siniweemererya axineene etthoko oniwiriyana, onoona ni onigravari. Inamuna iya sinittharelana sinnooniherya mweettelo wooloka onireerela ahu okhalana okathi oneemela ahu vamukhora wala oniphiya ahu vatthokoni va atthu anaalaleerya ahu.​—2 aKor 6:3.

MWEETTELO AHU (aFi 1:27):

  • Mwaattittimiheke axineene etthoko muhithurumelaka mpaani mwaya. Muhilyeeke, owurya, otelefonari wala olepa mihupi okathi oneemela anyu vamukhora wala muryeene vatthokoni va mutthu.

ILAVULELO SAHU (aÉf 4:29):

  • Okathi oneemela anyu vamukhora, muhilavuleke etthu ehiniphavela anyu wira mwaneene etthoko iiwe. Anamalaleerya akina annithanla ohilavula etthu okathi aniwehererya aya waakhuliwa wira alokiheryeke ele enrowa aya ohimya.

Inamuna xeeni sikina sooloka siniphavela anyu ottharihela okathi onilaleerya anyu mmaitthokoni?