Murowe mpantta wa sirimuhina

Murowe mpantta wa myaha sirimuhina

Anamoona a Yehova

Muthanle nttaava Emakhuwa

 MAKHALELO A MAKRISTAU

Muhiliyaleke Waavekelela Anna Anilupatthiwa

Muhiliyaleke Waavekelela Anna Anilupatthiwa

Biibiliya aahihimya vahinatthi wira Satana aarowa onilupatthaka wira onihiihe muteko woolaleerya. (Yoh 15:20; Wis 12:17) Ninrowa waakhaliherya sai maKristau akwiihu anihaawa mwaha wa olupatthiwa? Hiyo pooti waavekelela. ‘Malompelo n’uvara metto wa mutthu òrera murima’ aakhalana owerya wuulupale.Yak 5:16.

Ninrowa waavekelela sai? Hiyo pooti onvekela Yehova wira aavahe olipa murima ni okhala ohoova. (Yes 41:10-13) Hiyo pooti ovekela wira mamwene akhalaneke moonelo wooloka voohimya sa muteko ahu woolaleerya “wira nikhalaneke okumi worera ni wa murettele”.1 Ti 2:1, 2.

Okathi Paulo ni Pedru yaatthukweliwe aya, maKristau a eseekulu yoopacerya yaanavekelela aromolaka masina aya. (Mit 12:5; aRo 15:30, 31) Hata nihisuwelaka masina a anna otheene anilupatthiwa olelo-va, hiyo pooti oromola muloko, elapo wala muttetthe aya.

Mulepe ilapo maKristau anilupatthiwa aya, muniphavela anyu waavekelela.