Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Dezembro 2016

 MAKHALELO A MAKRISTAU

Nilokiherye Inamuna Sahu Soolaleerya—Wiixuttiha Moovara Murima Nirumeelaka Eliivuru ‘Mukhaleke Mophentani Mwa Muluku’

Nilokiherye Inamuna Sahu Soolaleerya—Wiixuttiha Moovara Murima Nirumeelaka Eliivuru ‘Mukhaleke Mophentani Mwa Muluku’

OTTHUNEYA WAYA: Atthu ahaana wiixutta malakiheryo a Yehova ni okhala moovarihana ni malakiheryo awo wira aweryeke omukokhorela vooweemereriwa. (Yes 2:3, 4) Eliivuru eni: Mukhaleke Mophentani Mwa Muluku’, yeeyo eri eliivuru ahu yanenli ya yoosoma ya Biibiliya, ennaakhaliherya atthu anaasomiha ahu wiiwexexa ni ovarihela muteko malakiheryo a Muluku mweekumini mwaya. (aHé 5:14) Hiyo nihaana wiimananiha wira naavare murima okathi onaasomiha ahu wira yooneke oreerela waya opaka marukunuxo.aRo 6:17.

MOOTA WOOPAKA EYO:

  • Mwiilokiheryeke saana, muupuwelelaka makhalelo a ole onimusomiha anyu. Muupuweleleke makoho anrowa omukhaliherya owo ohimya moonelo awe ni muupuwelo awe voohimya sa mwaha onisommwa.Mir 20:5; be-T 259.

  • Murumeeleke ikaaxa siri muliivuruni mmo wira mmukhaliherye ole onimusomiha anyu woona ovareleya waya muteko malakiheryo a mBiibiliyani.

  • Mmukhaliheryeke ole onimusomiha anyu osuwela orumeela yowuupuxerya ya murima awe, masi muhimpakeleke soothanla.aGa 6:5.

  • Mwaarumeeleke ankhili wira moone vakhala wira ole onimusomiha anyu onitthuneya okhaliheriwa ottharihela malakiheryo a mBiibiliyani. Mulavulaka voomureerela murima mmulakiherye wira opakeke marukunuxo mwaha wa omphenta Yehova.Mir 27:11; Yoh 14:31.