Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Agosto 2016

 MAKHALELO A MAKRISTAU

Nilokiherye Inamuna Sahu Soolaleerya—Naakhaliheryeke Ale Anaasomiha Ahu Biibiliya Mpakha Wiivahererya ni Obatiziwa

Nilokiherye Inamuna Sahu Soolaleerya—Naakhaliheryeke Ale Anaasomiha Ahu Biibiliya Mpakha Wiivahererya ni Obatiziwa

OTTHUNEYA WAYA: Wira ale anaasomiha ahu Biibiliya yeemereriwe ni Yehova, ahaana wiivahererya ni obatiziwa. (1Pe 3:21) Ale anikhala moovarihana ni wiivahererya waya, annikhapeleliwa omunepani. (Esa 91:1, 2) Mutthu oniivahererya wa Yehova, khonipaka eyo mwaha wa pinaatamu, muteko wala mutthenkeso. Tivonto ale anisomihiwa Biibiliya ahaana wunnuuherya omphenta ni omuxukhuru waya Muluku.aRo 14:7, 8.

MOOTA WOOPAKA EYO:

  • Okathi onipaka anyu yoosoma, mutthokiheryeke moota ele enisommwa enimooniherya aya makhalelo a Yehova mutthu owo. Muttittimiherye otthuneya waya omusoma Biibiliya khula nihiku, ni ovekela wa Yehova “vohihiyererya”.1aTes 5:17; Yak 4:8.

  • Mwaatumereryeke ale anaasomiha anyu wira akhalaneke yoolakela ya wiivahererya ni obatiziwa. Nave, mwaakhaliheryeke waakhwaniherya soolukama saamukhaani, ntoko ovaha ekomentaario okathi wa mithukumano wala waalaleerya ale yaattamanne aya ni anamuteko akhwaaya. Musuweleke wira Yehova khonimukhanyererya mutthu wira omurumeeleke. Wiivahererya wa Yehova yoothanla ya mutthu mwaneene.Otu 30:19, 20.

  • Mwaatumereryeke ale anaasomiha anyu wira apakeke mirukunuxo sinitthuneya, aphavelaka omutteeliha murima Yehova ni ophwanelela obatiziwa. (Mir 27:11) Okhala wira sookhala soolema sikina soovila ottharuwa, nto ole onisomihiwa Biibiliya onitthuneya okhaliheriwa orula omutthu wa khalai ni owara omutthu wa nanaano. (aÉf 4:22-24) Mmooniheryeke myaha sa erevista A Sentinela sa mpantta oni “A Bíblia Muda a Vida das Pessoas”.

  • Mmuleeleke mireerelo siphwannye anyu mwaha wa omurumeela Yehova.Yes 48:17, 18.