Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Abril 2017

 MAKHALELO A MAKRISTAU

Nwaakheleke Saana

Nwaakheleke Saana

Owaakhela saana aani? Khula mutthu onirwa owiriyana mithukumano sahu sa eKristau, ale anampacerya wala anna a khalai. (aRo 15:7; aHé 13:2) Awo pooti okhala anna annixukurya a muttetthe mukina wala maKristau yaale aahiiye olaleerya anampacerya orwa nuuvira iyaakha sinceene. Nyuwo mwaarowa woonela sai okhala opuro moota owo? Khivaarowa woosivelani waakhaliwa saana? (Mat 7:12) Nto khamunoona oreerela ohaakuvela okilaathi Empa ya Omwene wira mwaalavuliheke atthu wanipacerya ni wanikisa wa mithukumano? Eyo ennikumiherya makhalelo a niphento ni omusi, nave enninvuwiha Yehova. (Mat 5:16) Ekeekhai wira khimunirowa owerya omulavuliha khula mutthu. Masi, khula mutthu apaka mpantta awe, atthu otheene animwaakheliwa saana. *

Tthiri khanniphavela owaakhela saana atthu okathi wa mithukumano sa vameekhaaya ntoko Wuupuwelela Okhwa wa Yesu paahi. Okathi atthu aniinaano anaakheliwa aya saana nto anaweha niphento na eKristau, awo pooti ophavela onvuwiha Muluku ni wiirela mpantta okokhorela wa ekeekhai.Yoh 13:35.

^ etti. 3 Aakhala malakiheryo mBiibiliyani voohimya sa moota wowaakhapelela atthu ookumihiwa wala ale yiikuminhe mmulokoni.1 aKor 5:11; 2 Yoh 10.