Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Okumi ni Orummwa Ekaderno Enirumeeliwa Omuthukumanoni  |  Abril 2017

 MAKHALELO A MAKRISTAU

Niireke Nyuwo Munoowerya Waalipiha Makristau Ahiiye Olaleerya?

Niireke Nyuwo Munoowerya Waalipiha Makristau Ahiiye Olaleerya?

Nihiku na 11 a Abril, maKristau manceene ahiiye olaleerya animoorwa owiriyana muthukumano wa Wuupuwelela. Awo yaahipacerya otthara ephiro eniroiha weekumini, masi nuuvira okathi, aakhulumuwa mwaha wa mixankiho sinceene siniromoliwa ebroxura eni: Muhokolowele wa Yehova. (aHé 12:1) Hata atthu awo akhulumunwe ene annivahiwa efaita ni Yehova, yoowo aathumme ni ephome ya Mwanawe. (Mit 20:28; 1 Pe 1:18, 19) Nto ninrowa waakhaliherya sai atthu awo otthikela mmulokoni?

Axitokweene a mmulokoni annimananiha waaphavela ni waakhaliherya maKristau akhulumunwe, ntoko siisaale siniira awe makampusi yoole oniphavela epwittipwitthi yoorimeela. (Luk 15:4-7) Eyo enooniherya ophenta wa Yehova. (Yer 23:3, 4) Otheene ahu, ohiya axitokweene paahi, nnoowerya waalipiha anna awo. Wiimananiha wahu waareerela murima ni omusi oniwooniherya ahu onnimusivela Yehova ni onnikumiherya mareeliho. (Mir 19:17; Mit 20:35) Tthiri, vannireerela omuupuwelela mutthu oniphavela anyu omulipiha, nto voohipisa mpakeke eyo!

NWEHE EVIIDIYU ENI: MWAALIPIHEKE ALE AHIIYE OLALEERYA, NUUMALA-VO MWAAKHULEKE MAKOHO ALA ANITTHARELANA:

  • Exeeni yaapanke awe Abbey nuumala okumaana ni Namoona ahaamusuwela awe?

  • Xeeni vanireerela aya olavula ni axitokweene naaphavelaka omukhaliherya mutthu ohiiye olaleerya?

  • Moota xeeni Abbey aailokihenrye awe wira amuxukurye Laura ekwaha ya nenli?

  • Moota xeeni Abbey oonihenrye awe ohooceya, opixa murima, ni niphento okathi aaphavela awe omukhaliherya Laura?

  • Ninniixuttiha exeeni nlikanyiho na Yesu niri eliivuru ya Luka 15:8-10?

  • Mureerelo xeeni waakhumelenle mwaha wa wiimananiha wa anna otheene wira amukhaliherye Laura?