Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Tani Anipaka Yootthuna ya Yehova Olelo-va?

Tiivi Eri Yootthuna ya Muluku?

Tiivi Eri Yootthuna ya Muluku?

Muluku oniphavela wira nikhalane murettele ni ohakalala woohimala mparayiisu valaponi!

Woonasa wene nyuwo pooti okoha so: ‘Eyo enrowa wiireya sai?’ Biibiliya onihimya wira Omwene wa Muluku tonrowa oruuha mareeliho ala. Ohiya-vo, Muluku oniphavela wira nisuwele Omwene awe ni yoolakela awe.Esalimo 37:11, 29; Yesaya 9:6.

Muluku oniphavela wira nikhaleke saana.

Ntoko siisaale tiithi oophenta oniphavela awe wira anaawe akhaleke saana, Tiithi ahu a wiirimu oniphavela wira niphwanye ohakalala ohinimala. (Yesaya 48:17, 18) Owo ooleiherya wira “ole onettela otthuna wa Muluku onokhala mahiku othene”.1 Yohani 2:17.

Muluku oniphavela wira neetteleke iphiro sawe.

Biibiliya onihimya wira Mpattuxa ahu oniphavela ‘onixuttiha iphiro sawe’ wira neetteke memmo. (Yesaya 2:2, 3) Owo oothanla ‘nloko nnihaneliwa nsina nawe’ wira nilaleyeke otthuna wawe ilapo sotheene.Miteko 15:14.

Muluku oniphavela wira nimukokhoreleke mowiiraana.

Ohiya waavalaanya atthu, omukokhorela Yehova mwa ekeekhai onniwiiriha atthu awo okhala oowiiraana mwa niphento na ekeekhai. (Yohani 13:35) Tani olelo-va aniwiixuttiha atthu mapuro otheene wira amurumeeleke Muluku mowiiraana? Ninnoovekelani wira, musome ebroxura ela wira musuwele waakhuliwa wa nikoho nno.

 

MWIIXUTTE SIKINA

EPROGRAMA YA OMUSOMA BIIBILIYA

Enipakiwa Sai Yoosoma ya Biibiliya?

Olumwenku wotheene, Anamoona a Yehova annisuweliwa mwaha wa ovaha waya eprograma ya omusoma Biibiliya voohiliva etthu. Moone moota sinikhala aya.

EPROGRAMA YA OMUSOMA BIIBILIYA

Xeeni vanitthuneya anyu omusoma Biibiliya?

Biibiliya onniwaakhula atthu imilyau sene olumwenku wotheene. Niireke ni nyuwo munniphavela waakhuliwa?