Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Tani Anipaka Yootthuna ya Yehova Olelo-va?

 YOOSOMA 17

Annikhaliherya Sai Axitokweene a Esirkwiitu?

Annikhaliherya Sai Axitokweene a Esirkwiitu?

Malawi

Muthukumano wa orowa olaleerya

Muteko woolaleerya

Muthukumano wa axitokweene

Soolempwa sa eGriki sa eKristau, ikwaha sinceene sinnimuromola Baarnaba ni murummwa Paulo. Alopwana ala yaari axitokweene ooweetteetta yaaxukurya miloko sa eKristau soopacerya. Mwaha aya? Okhala wira yaaniphavela vanci waalipiha annaya ale. Paulo aahilavula ariki “ntthike nàxekurye axinn’ihu” wira nasuwele ehaali aya. Owo aaneetta ikiloomo imiya sinceene wira aalipihe axinna awe. (Miteko 15:36) Olelo va, etthu emosaru teniphavela aya anna anixekurya miloko.

Awo aniphavela onilipiha. Khula mutokweene a esirkwiitu onixukurya miloko sowiiraka 20. Khula mwaakha onnixukurya ikwaha piili, ovirihaka esumana emosa khula muloko. Hiyo ninniphwanya mireerelo sinci mwaha woowi anna awo ni axaaraya, akhala wira toothela, annisuwela itthu sinceene. Awosa, anniimananiha waasuwela amiravo ni anna owunnuwela, nave annirowa ni hiyo olaleerya ni wiiriha soosoma sa Biibiliya. Awo ni axitokweene annirowa waaxukurya anna mmavaateni mwaya ni onilipiha, annilavula myaha soolipiha mmulokoni wala muthukumano wa esirkwitu.Miteko 15:35.

Awo annaathokorerya atthu othene. Axitokweene ooweetteetta annithokorerya vanceene mukhalelo wa oKristau wa anna a mmulokoni. Awosa annithukumana ni axitokweene ni arummwa oorumeela wira yoone moota muloko oninnuwa aya, ni annivaha malakiheryo a moota woovara muteko. Anna awo, annaakhaliherya mapioneero orowa vahoolo mmuteko woolaleerya, nave vannaasivela waasuwela anna asya ni oweha wunnuwa waya mwekeekhaini. Axitokweene ooweetteetta, ahiivahererya ‘wavarela muteko’ axinna aya eKristau. (2 aKorinto 8:23) Nitthareke ntakiheryo naya na omwaamini Muluku.aHéberi 13:7.

  • Xeeni axitokweene a esirkwitu anixukurya aya miloko?

  • Nto munrowa ottottela sai mureerelo oxukurya waya?

MWIIXUTTE SIKINA

TANI ANIPAKA YOOTTHUNA YA YEHOVA OLELO-VA?

Exeeni Enniiriha Orowa Mithukumano Suulupale?

Khuta mwaakha hiyo ninnithukumana hoothe okathi wa muthukumano wa vameekhaaya. Munrowa ottottela sai mureerelo okathi owo wa vameekha aya?

TANI ANIPAKA YOOTTHUNA YA YEHOVA OLELO-VA?

Onitthokihiwa Sai Muteko Ahu Woolaleya Omwene?

Hiyo nintthara ntakiheryo nihiiwale ni Yesu okathi ari awe valaponi. Tiivi Inamuna sikina sa olaleerya?