Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Tani Anipaka Yootthuna ya Yehova Olelo-va?

 YOOSOMA 6

Wataana ni Annihu MaKristau Onikumiherya Mireerelo Xeeni?

Wataana ni Annihu MaKristau Onikumiherya Mireerelo Xeeni?

Madagascar

Norway

Lebanon

Italy

Hiyo khannicompela mithukumano sa eKristau hata ikwaha sikina niviraka mutakhwani, nsuwa nivihaka wala epula erupaka. Xeeni Anamoona a Yehova aniimananiha aya orowa othukumana ni anna aya maKristau, hata akumanaka mixankiho wala otemwa mwaha wa miteko sa khuta nihiku?

Mithukumano sinniniiriha okhala saana. Vaavo murummwa Paulo aalempe awe wira “nùpuxeryaneke mukina ni mukhw’awe”, aahimya ale anithukumana ni hiyo mmulokoni. (aHéberi 10:24) Moolumo awo anooniherya wira nihaana osuwelana saana. Masu a Paulo anintumererya ophavelaka waathokorerya akina. Osuwela imusi sikina sa annihu maKristau, onooniiriha woona moota aniwerya aya oxintta mixankiho soolikana ni sawihu ni pooti onikhaliherya oxintta mixankiho sahu.

Mithukumano sinnilipiha wataana wahu. Othukumana wahu mmulokoni khonlikana ni othukumana ni atthu pure anaasuwela ahu. Hiyo ninthukumana ni egrupu ya atthu akhanle tthiri apatthani ahu. Ikwaha sikina, ninnithukumana mwaha woophavela othekula mwa enamuna yookhalela. Nto mithukumano iyo sinikumiherya mireerelo xeeni? Ninniixutta moota woottittimihana ni sinnilipiha wataana wahu. Nto saaphwanya mixankiho annihu, hiyo ninnaakuvela waakhaliherya mwaha wa ophenta orina ahu. (Miruku 17:17) Wataana ni anna otheene mmulokoni, onimooniherya wira ‘ninnithokoreryana mukina ni mukhwaawe’.1 aKorinto 12:25, 26.

Nto ninnootumereryani wira apatthani anyu akhaleke atthu yaale aneettela sooruma sa Muluku. Nyuwo munoowerya waaphwanya eriyari ya Anamoona a Yehova. Nto ehikhale etthu enrowa owiirihani okhootta wataana ni hiyo.

  • Xeeni othukumana ni axinnihu onikumiherya mireerelo?

  • Munrowa liini waasuwela atthu a muloko ahu?

MWIIXUTTE SIKINA

MITHUKUMANO

Exeeni Eniiraneya Omuthukumanoni wa Anamoona a Yehova?

Musuwele moota ninlompa ahu.