Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

“Mukhaleke Mophentani Mwa Muluku”

Epaphelo ya Nikhuuru Noolamulela

Epaphelo ya Nikhuuru Noolamulela

Nyuwo Munimphenta Yehova:

Yesu aahimmye wira: “Munosuwela ekekhai, vano ekekhai yeyo enimokhalihani òtaphuwa”. (Yohani 8:32) Mwekeekhai masu ala toolipiha vanceene! Vanniweryaneya tthiri osuwela ekeekhai, nnaamwi wootha ni owoka ohireere osareya “okathi [ola] wokiserya” ni wooxankiha. (2 Timótheyo 3:1) Niireke munnuupuwela okathi yoole mwaapacenrye anyu osuwela ekeekhai Biibiliya oniixuttiha awe? Moohaaniherya, nyuwo mwaahitteeliwa murima vanceene!

Masi, okhala wira ti vootthuneya osuwela ekeekhai ya Biibiliya ni owiixuttiha atthu akina, nto hiyo nihaana weettelaka ekeekhai eyo. Wira niwerye opaka eyo, nihaana ovikaniha okhala moophentani mwa Muluku. Moolumo ala anitaphulela exeeni? Masu Yesu aalavunle awe ohiyu ohinatthi okhwa, annaakhula nikoho nna. Olavulaka ni arummwa awe oororomeleya, Yesu aahimmye so: “Mwettelaka soruma saka munokhala mophentani mwaka, ntoko miyo kinettelaka soruma s’Atithi, kinikhalaka mophentani mwaya”.Yohani 15:10.

Nwehe wira Yesu aanikhala moophentani mwa Muluku, mwaha woowi aaneettela sooruma sa Tiithi awe. Olelo va, hiyo nnookhala moophentani mwa Muluku akhala wira nnimweettelaka sooruma iyo. Wira nikhale moophentani mwa Muluku, nihaana weettela ekeekhai okumi ahu wotheene. Ohiyu yoole, Yesu aahimmye so: ‘Akhala wira nyuwo mosuwela itthu iya: vano, mwettelakaru, munoreriwa’.Yohani 13:17.

Tthiri ninnikupali wira eliivuru ela, enrowa wookhaliheryani ovikaniha weettela ekeekhai okumi anyu wotheene, wira ‘mukhaleke mophentani mwa Muluku, muroromelaka . . . ovahiwa ekumi yohimala’.Yuda 21.

Nikhuuru Noolamulela na Anamoona a Yehova