Murowe mpantta wa sirimuhina

Murowe mpantta wa menu a nenli

Anamoona a Yehova

Emakhuwa

Omwene wa Muluku Exeeni?

Omwene wa Muluku Exeeni?

Niireke munaakhula wira . . .

  • etthu eri vamurimani va mutthu?

  • etthu eri mmuupuweloni?

  • wala eguvernu ya wiirimu?

 ELE BIIBILIYA ONIHIMYA AWE

“Muluku a wirimu onokumiherya omwene ohinrowa omala, nnákhala oweriwa n’umwene mukina”.Daniyeli 2:44, Biblia Solempwa Sowarya.

“Novahiwa mwanamwane. Owerya w’omwene ori ni yowo”.Yesaya 9:5.

MAREELIHO XEENI MUNIROWA ANYU OPHWANYA?

  • Eguvernu ya xariya yeeyo enrowa woophwanyihani mureerelo.Yesaya 48:17, 18.

  • Okumi wooloka ni woohakalaliha mwa elapo esya ya muhoolo.Wisupulula 21:3, 4.

 NNOOWERYA TTHIRI OKUPALI ELE BIIBILIYA ONIHIMYA AWE?

Aayo, mwaha wa mathowa manli:

  • Yesu aahooniherya ele Omwene wa Muluku onirowa aya opaka. Yesu aahiwiixuttiha atthareli awe ovekela wira Omwene wa Muluku orwe, ni yootthuna Awe yiireye valaponi. (Matheyo 6:9, 10) Yesu aahooniherya moota nivekelo nno ninrowa aya waakhuliwa.

    Okathi Yesu aaryaawe valaponi, owo aahaavaha yoolya atthu oovoliwa etala, waavoniha aretta, ni waahihimuxa atthu yaakhwiiye! (Matheyo 15:29-38; Yohani 11:38-44) Ntoko Namalamulela a muhoolo a Omwene wa Muluku, Yesu aahooniherya saana ele Omwene owo onirowa aya opaka mmureerelo wa atthu aniiwelela.Wisupulula 11:15.

  • Itthu siniireya molumwenkuni sinnooniherya wira moohipisa Omwene wa Muluku onimoorwa. Yesu aahihimya wira ohinatthi Omwene oruuha murettele valaponi, saarowa okhumelela ikhotto, etala, ni itetere.Matheyo 24:3, 7.

    Olelo-va ninnoona itthu iyo. Nto nihaana ororomela wira moohipisa Omwene wa Muluku onoomaliha mixankiho iyo.

 WIRA MUUPUWELELE

Okumi onirowa okhala sai okathi Omwene wa Muluku onirowa aya olamulelaka?

Biibiliya onnaakhula nikoho nlo mwa yoolepa ya ESALIMO 37:29 ni YESAYA 65:21-23.

MWIIXUTTE SIKINA

IHAPARI SOOREERA SINIKHUMA WA MULUKU!

Tiivi Eri Yoolakela ya Muluku wa Elapo ya Vathi?

Biibiliya onnihimya emwiirinhe Muluku opattuxa elapo ya vathi, okathi onrowa aya omala-malihiwa ohaawa wotheene, ni etthu ya ohoolo ekhanle ahu oolipelela ni atthu anrowa okhalaka mparayiisu valaponi.