Murowe mpantta wa sirimuhina

Murowe mpantta wa myaha sirimuhina

Anamoona a Yehova

Muthanle nttaava Emakhuwa

 EPANTTE 13

Ninrowa Opaka Exeeni Wira Nimuhakalalihe Muluku?

Ninrowa Opaka Exeeni Wira Nimuhakalalihe Muluku?

Musyakeke itthu sootakhala. 1 aKorinto 6:9, 10.

Akhala wira hiyo ninnimphenta Muluku, nto khinnirowa opaka etthu ehinimusivela.

Yehova khoniphavela wira hiyo niiyeke, nihapaliweke wala nlyeeke mirette sinipahula.

Muluku onnaanyokha ale anwiiva akhwaaya, aniyiiha erukulu, atthu anrupihana alopwanaru aahiiso athiyanaru, ananrima, wala aniwana ni atthu akina.

Hiyo nihaakokhoreleke amuluku a ethiru wala opaka itthu sa aminepani.

IEparayiisu ya elapo ya vathi yeeyo eri vakhiviru, khanrowa okela atthu yaale anipaka itthu sootakhala.

 Mpakeke itthu sooloka okathi wotheene. Matheyo 7:12

Wira nimuhakalalihe Muluku hiyo nohaana wiimananiha omutakiha.

Hiyo nohaana waaphentaka atthu naareerelaka murima ni waavaha itthu sinaathowa.

Nihaana okhala oororomeleya.

Mukhaleke oomoriwa ikharari ni oolevelela.

Mwaaleeleke atthu akina voohimya sa Yehova ni sooruma sawe.Yesaya 43:10.