Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Munwiriyaneke Muluku Wira Mphwanye Ekumi Ehinimala

 EPANTTE 3

Waari Sai Okumi mParayiisu?

Waari Sai Okumi mParayiisu?

Yehova ahaavaha Adamu ni Eva itthu sinceene sooloka. Maphattuwelo 1:28.

Yehova aahimuupa muthiyana oopacerya yoowo iitthaniwa Eva, khukhala mwaarawe Adamu.Maphattuwelo 2:21, 22.

Yehova ahaavaha erutthu ni muupuwelelo woolokexa, wahaarina yoottheka

Awo yaakhala mParayiisu oxardim wa wEedeni, eyo piiyo, nipuro nooreera vanceene nrina miro, inama ni miri siniima mihokorokho.

Yehova aanilavulana ni aaniwiixuttiha Adamu ni Eva. Yaakhanle wira awo yaahinwiriyana Yehova, nto yaarowa okhalaka mParayiisu elapo ya vathi voohimala.

 Muluku aahaaleela wira ahilye mihokorokho sa mwiri mmosa. Maphattuwelo 2:16, 17

Yehova aahiwooniherya Adamu ni Eva mwiri mmosa yoowo waarina mihokorokho muxardim, khwaahimeerya wira yaalya muhokorokho ole yaamookhwa.

Nlaikha nimosa naahimurukunuwela Muluku. Mutakhali owo ti Satana Diabo.

Satana khaaphavela wira Adamu ni Eva amwiiweleleke Yehova. Tivo-nto Satana orumeelaka enowa, aahimuhimeerya Eva wira alya vale muhokorokho wa mwiri ole, Eva khaarowa okhwa, masi aarowa olikanaka ni Muluku. Masi, Satana aamootha.Maphattuwelo 3:1-5.