Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Waakhuliwa wa Makoho 10 Yaawo Anikohiwa ni Amiravo

 NIKOHO 3

Kinrowa Owerya Sai Ovaanela ni Anamuyari Aka?

Kinrowa Owerya Sai Ovaanela ni Anamuyari Aka?

XEENI VARI AYA VOOLOKA WUUPUWELA NIKOHO NLO?

Okumi anyu onookhala woomaaleleya akhala wira munimwiiwanana ni anamuyari anyu.

NYUWO MWAAROWA OPAKA EXEENI?

Muupuwele ela: Vano ohiyu wa Namararu. Jorge, orina iyaakha 17 omalinhe niinano olokiherya ekwarto awe, nto oniphavela ophumurya. Owo onnimuligari TV ni khiyairihela vasofani.

Okathi ene yoowo, apapawe annoorwa ni anneemela vamukhora ahihakalanle ni anamukoha so:

“Jorge! Xeeni munihonona anyu okathi munwehaka TV, nnaamwi noovekenleni omukhaliherya muhima anyu ompaka TPC? Nyuwo khamuniphavela oniiwelela!”

Jorge khonisiveliwa ni moolumo awo ni onnaakhula so: “Moopacerya?”

Apapawe annipacerya onanariwa ni annimukoha so: “Weyo mmiravo, oriye sai?”

Jorge onaakhula so: “Nnaari, nkilavunle etthu”.

Nto apapawe annitepa onanariwa ni anahimya so: “Muhitthikele okaakhula siiso, miyo nkihiyo mwaana mukhwiinyu”.

Vaakhanle wira nyuwo mwa Jorge, mwaarowa opaka exeeni?

MUUPUWELE SAANA!

Wiiwanana ni anamuyari anyu onlikana ni weettiha ekaaro. Vaavo mutthu oniphwanya awe maluku mphironi onnihuluwa onarowa ephiro ekina.

 YOWIIRANEYA YEKEEKHAI:

Mwali mmosa oniitthaniwa Luisa onihimya so: “Vannikivila vanceene olavula ni apaapa. Ikwaha sikina miyo kinuupuwela wira kinlavula ni apaapa, masi awo anihimya so: ‘Mukiswaamihe, mwaalavula ni miyo toko?’”

LUISA ONIROWA OPAKA EXEENI?

  1. Waanyemela apapawe.

    Luisa onnikhuwela oriki: “Nyu paapa mukiwiriyaneke, khahiyo kinoothweela!”

  2. Ohaalavuliha-tho apapawe.

    Luisa onnihiya olavula mwaha ene owo ni apapawe.

  3. Olipelela okathi wooreerela wira ovaanele-tho ni apapawe.

    Owo ontthikela ovaanela ni apapawe okathi mukina aahiiso onnilepa epaphelo olavulaka muxankiho awe.

Nyuwo mwaarowa othanla enamuna xeeni yooreerela wa Luisa?

MUTHOKORERYE ELA: Apapawe Luisa yaatteliwe miteko; nto khanisuwela ele emwiirinhe Luisa onanariwa. Akhala wira Luisa onithanla Enamuna 1, woonasa wene apapawe khanirowa osuwela nthowa naya onanariwe awe. Waaniheryasa apapawe Luisa khiyaarowa onwiriyana, nave eyo yaamooniherya wira Luisa khoonaattittimiha apapawe. (aÉfeso 6:2) Tthiri, Enamuna 1 khiyaarowa omphwanyiha mureerelo Luisa.

Ole oneettiha ekaaro aphwanya maluku mphironi, onnihuluwa khiyarowa ephiro ekina. Vamosaru, pooti ophwanya ephiro wira nvaanele ni anamuyari anyu

Nnaamwi vari ene vookhweya othanla Enamuna 2, masi khahiyo vamiruku. Wira Luisa ophuke saana muxankiho ole ohaana olavula ni apapawe. Maana yasuwela ele enimwiira Luisa anoowerya omukhaliherya. Omaala khonimaliha muxankiho awe.

Enamuna 3, yammukhaliherya Luisa oheemya wira muxankiho ole omuhiihe ovaanela ni apapawe. Nto akhala wira onithanla waalepela epaphelo apapawe, waaniheryasa Luisa aamoona eyo okhala enamuna yooloka.

Olepa epaphelo pooti omukhaliherya Luisa othanlela saana masu onirowa awe olavula. Okathi paapa awe Luisa onrowa awe osoma epaphelo eyo onoosuwela ele Luisa aamananiha awe ohimya. Nto eyo enoomukhaliherya wiiwexexa muxankiho wa Luisa. Miruku sa orowa olavulana mmansawe aahiiso olepa epaphelo, sinivarihana ni yooruma ya Biibiliya yoowi: “Niphaveleke itthu sinniphwanyiha murettele”.aRoma 14:19.

Niireke yookhala enuupuwela anyu Luisa aareerela awe opaka?

Akhala wira sihaavo inamuna sikina muupuwenle anyu, mulepe vathi-vo ni muhimye sookhumelela saya.

 MUUPUWELE SAANA MUHINATTHI OLAVULA

Musuweleke wira ele enihimya anyu, ikwaha sikina anamuyari anyu pooti wiiwexexa moota mukina.

MWA NTAKIHERYO:

Akhala wira anamuyari anyu annookohani nthowa naya muriipiwe anyu murima, nto nyuwo munawaakhula so: “Nkinphavela-tho ovaanela mwaha ola”.

Awo anuupuwela wira nyuwo munihimya so: “Nyuwosa munsuwelani, nkinoororomelani. Phataari waaleela apatthani aka muhikhanle nyuwosa”.

Nkuupuwelani wira muri mmuxankihoni, masi anamuyari anyu enaphavela wookhaliheryani. Nto munaakhula wira: “Muhixanke paapa, kinnisuwela yoopaka”.

  • Anamuyari anyu anrowa wuupuwela exeeni?

  • Waakhula wooloka pooti okhala so: