Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Waakhuliwa wa Makoho 10 Yaawo Anikohiwa ni Amiravo

 NIKOHO 7

Kipakeke Exeeni Kaakhanyereriwaka Orupihana?

Kipakeke Exeeni Kaakhanyereriwaka Orupihana?

XEENI VARI AYA VOOLOKA WUUPUWELA NIKOHO NLO?

Yoothanla anyu voohimya sa mwaha ola pooti wookumiheryani maxakha aahiiso mireerelo muhoolo.

NYUWO MWAAROWA OPAKA EXEENI?

Muupuwele ela: Helena opacenrye onamorari ni Mario myeeri vakhaani sivinre masi onikhala ntoko apacenrye khalai. Awosa animakela olepelana mensagem, ni ovaanela iwoora sinceene mutelefonini. Nto ahinatthi omaliha olavula, khula mmosa onnisuwela ele mukhwaawe onirowa awe ohimya! Masi Mario yookhala etthu ekina eniphavela awe.

Mwa myeeri miili sivinre, Helena ni Mario khiivo etthu ekina apanke aya ohikhanle paahi ovarelana matata ni obexarana mowaakuveya. Helena khomphavela opaka etthu ekina ovikana ele epanke awe. Masi-tho khoniphavela omuyeleela Mario. Khuuvo mmiravo mukina onimwiiriha yena wiixoona okhala mwali ooreera ni a vameekhaawe. Nto Helena onnuupuwela oriki: ‘Hiyo khanreere osivelana . . . ’

Akhala wira moophiyeriha iyaakha sa onamorari ni onoophwanyani muxankiho ntoko wa Helena, munrowa opaka exeeni?

MUUPUWELE SAANA!

Muluku ohaavaha anamathelana eparakha ya orupihana. Orupihana mutthu ohinatthi othelana ti ohivaha efaita yoovaha eyo. Onlikana ni ovahiwa ekamisa nuumala-vo munapaka etuwalya

Akhala wira munoowela mmwirini nto khiyatupha mmananihaka ovava ntoko mwaapalame, munoophwanya maxakha. Etthu emosaru enimwiiraneya akhala wira khamuniiwelela malamulo a mweettelo wooloka. Biibiliya oni: “Mutthyaweke onamuttompe”.1 aTesalonika 4:3.

Exeeni enikhumelela vaavo mutthu ohiniiwelela awe malamulo awo? Biibiliya onaakhula so: “[Ole] onìra s’ekhapa onnitthekiha erutthu awe”. (1 aKorinto 6: 18) Niireke eyo ekeekhai?

 Sootokosa sinooniherya wira amiravo anceene anirupihana ehinatthi othelana, nuuvira okathi annaakhumelela maxakha mookumini mwaya.

  • ORIIPIWA MURIMA. Amiravo anceene arupihanne ehinatthi othelana, anihimya wira nuumala-vo murima waahaariipa.

  • OHIROROMELANA. Nuumala orupihana, khula mmosa onniikoha so: “Mutthu ene yoola onrupa-tho naani?”

  • OXANKA. Aximwali anceene animphavela mmiravo onirowa waakhapelela ohiya waattottela mureerelo. Nave amiravo anceene annihiya osiveliwa ni mwali yoole arupanne aya.

  • Ohonona okumi anyu: Akhala wira nyuwo munoorupa ni mutthu muhinatthi othelana, munimwiihaaxa nave munoohonona erutthu anyu. (aRoma 1:24) Erutthu anyu yookhalana efaita yuulupale, nto muhihonone!

Mooniherye wira mookhalana ikuru sa ‘otthyawa onamuttompe’. (1 aTesalonika 4:3) Nto, mwathela vale aahiiso otheliwa, munoorupaka nuule onirowa anyu othelana. Nto munoohakalala maana khamunrowa woovaka etthu, aahiiso wiikhupanyerya onaaphwanya atthu anirupihana ehinatthi othelana.Miruku 7:22, 23; 1 aKorinto 7:3.

 MUNOONELA SAI?

  • Niireke mutthu onoophentani veekeekhai onoopaka etthu enrowa ohaaxa erutthu ni muupuwelo anyu?

  • Niireke mutthu onoophentani veekeekhai onimoovekelani opaka etthu enrowa ohonona wataana wanyu ni Muluku?aHéberi 13:4.