Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Ihapari Sooreera Sinikhuma wa Muluku!

 YOOSOMA 15

Xeeni Vanitthuneya Anyu Ovikaniha?

Xeeni Vanitthuneya Anyu Ovikaniha?

1. Munrowa ophwanya exeeni mwavikaniha omusoma Biibiliya?

Tthiri, ovarerya sowiixuttiha sa Biibiliya woolipiha omphenta wanyu Yehova. Ophenta nno wohaana olipihiwaka. (1 Pedru 2:2) Yoolipelela anyu ya okumi woohimala, enlipa ni wiimananiha wanyu ovikaniha omwaattamela Muluku musomaka Nuulumo nawe.Mmusome Yohani 17:3; Yuda 21.

Nto vaavo vanitepa anyu omusuwela Muluku, waamini wanyu onrowa otepaka olipa. Tivonto waamini onowiirihani omuhakalaliha Muluku. (aHéberi 11:1, 6) Onoowiirihani-tho ophavela ottharuwa itampi ni orukunuxa murima anyu.Musome Miteko 3:19.

2. Omusuwela wanyu Muluku onrowa waakhaliherya sai akina?

Muhaana ovekela wira mukhalane wataana wuulupale ni Yehova

Nto munoophavelaka waahimeerya akina ele yiixuntte anyu, tthiri etthu yoohakalaliha waaleela akina ihapari sooreera. Mwavikaniha omusoma Biibiliya, munoosuwelaka onvarihela muteko Biibiliya, wira mutthokiherye omwaamini wanyu Yehova ni ihapari sooreera.Mmusome aRoma 10:13-15.

Anamunceene annipacerya olaleerya yaahimeeryaka ele eniixutta aya apatthani wala amusi. Muhaana oreerelaka murima. Mwaaleeleke sooleiherya sooloka sa Muluku, ohiya waaleela wira etiini aya ti yeethiru. Muhaana wuupuwela-tho wira enaasivela atthu ori woona mweettelo anyu wooloka ohiya wiiwa paahi ele enihimya anyu.Mmusome 2 Timótheyo 2:24, 25.

3. Wataana wanyu ni Muluku onrowa woophwanyihani exeeni?

Osoma Nuulumo na Muluku onrowa winnuwiha wataana wanyu ni yena. Nuuvira okathi, nyuwo munrowa okhala mpatthani  muulupale a Yehova. Tthiri nyuwo munrowa okhala awawe ntoko mmusi awe.Mmusome 2 aKorinto 6:18.

4. Munrowa owerya sai ovikaniha orowa vahoolo?

Wira muhitthikele ottuli, muhaana ovikaniha omusoma Biibiliya. (aHéberi 5:13, 14) Mulavule ni Namoona a Yehova, wira ookhaliheryeni omwiiwexexa saana Biibiliya, murumeelaka eliivuru Biibiliya Oniixuttiha Exeeni Tthiri? Nto vaavo vanitepa anyu wuncererya wiixutta voohimya sa Muluku, mweettelo anyu onrowa otepaka okhala saana.Musome Esalimo 1:1-3; 73:27, 28.

Yehova, Muluku oohakalala tonikumiherya ihapari sooreera. Nyuwo munoowerya omwaattamela Muluku, mwataanaka ni atthu awe. (aHéberi 10:24, 25) Mwaimananiha ovikaniha omuhakalaliha Yehova, nyuwo munoophwanya ekumi yekeekhai, eyo piiyo, okumi woohimala. Tthiri Omwaattamela Muluku ti etthu yootepexa oloka enrowa anyu opaka.Mmusome 1 Timótheyo 1:11; 6:19.

 

MWIIXUTTE SIKINA

MITHUKUMANO

Exeeni Eniiraneya Empa ya Omwene?

Moone eviidiyu ela wira musuwele ele eniiraneya Empa ya Omwene ya Anamoona a Yehova.

EPROGRAMA YA OMUSOMA BIIBILIYA

Xeeni vanitthuneya anyu omusoma Biibiliya?

Biibiliya onniwaakhula atthu imilyau sene olumwenku wotheene. Niireke ni nyuwo munniphavela waakhuliwa?