Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Ihapari Sooreera Sinikhuma wa Muluku!

 YOOSOMA 11

Malamulo Maalupale a Biibiliya Annikhaliherya Sai?

Malamulo Maalupale a Biibiliya Annikhaliherya Sai?

1. Nthowa xeeni nintthuneya ahu malakiheryo?

Malamulo maalupale a Biibiliya annikhaliherya sai wiithokorerya?ESALIMO 36:10.

Mpattuxa ahu tamiruku onivikana hiyo. Ntoko Tiithi oophenta owo onninikhapelela. Owo khoniphavela wira hiyo neetteleke murima ahu. (Yeremiya 10:23) Siisaale mwaana mwaamukhaani onitthuneya awe olakiheriwa ni anamuyari awe, hiyo-tho nihaana olakiheriwaka ni Muluku. (Yesaya 48:17, 18) Malakiheryo a Biibiliya, ti yoovaha ya Muluku.Mmusome 2 Timótheyo 3:16.

Malamulo a Yehova tooloka wira neetteleke. Malamulo awo anniniixuttiha mweettelo wooloka vano, ni moota woophwanya mareeliho a okumi woohimala muhoolo. Okhala wira Muluku tonipattunxe, ti vookhalela hiyo omwiiwelelaka.Musome Esalimo 19:8, 12; Wisupulula 4:11.

2. Exeeni ekhanle malamulo maalupale a Biibiliya?

Malamulo maalupale a Biibiliya ti ikeekhai suulupale sihinturukeya. Annivirikana ni malamulo. Malamulo anikhala moolumo anitumererya etthu mooluluwanya. (Otumererya 22:8) Masi, malamulo maalupale anitthuneya wuupuwelela saana wira mutthu osuwele moota woorumeela. (Miruku 2:10-12) Ntakiheryo: Biibiliya oniixuttiha wira okumi yoovaha yuulupalexa ya Muluku. Nto wuupuwela saana malakiheryo awo, onooniiriha okhapelela okumi ahu omutekoni, vapuwani, wala okathi oneetta ahu.Musome Miteko 17:28.

3. Malamulo xeeni maalupale manli ari ootepa otthuneya?

Yesu aahilavula sa malamulo manli maalupalexa. Nlamulo nuulupale noopacerya nnooniherya yoolakela yuulupale ya okumi ahu, eyo piiyo, omusuwela  Muluku, omphenta, ni omurumeela moororomeleya. Nto nlamulo nno nohaana onikhaliheryaka khula okathi onipaka ahu soothanla. (Miruku 3:6) Nto ale aneettela nlamulo nla ni murima aya wotheene, annaataana ni Muluku, ophwanya ohakalala wekeekhai, nto muhoolo okumi woohimala.Mmusome Matheyo 22:36-38.

Nlamulo nuulupale na nenli nnooniiriha okhala saana ni atthu akina. (1 aKorinto 13:4-7) Wiiwelela nlamulo nla, onihela muhina omutakiha Yehova mmoota wowaathokorerya akina.Mmusome Matheyo 7:12; 22:39, 40.

4. Ninttottela sai mureerelo malamulo maalupale a Biibiliya?

Malamulo maalupale a Biibiliya anniixuttiha imusi moota woothokoreryana mwa niphento. (aKolosi 3:12-14) Nuulumo na Muluku ninnikhapelela-tho imusi, vaavo vaniixuttiha aya wira ale athelanne ahimwalaneke.Musome Maphattuwelo 2:24.

Weettela malamulo maalupale a Biibiliya, onniphwanyiha mireerelo sinceene. Ntakiheryo: Ikwaha sinceene mapatarau anniweemya okhala namuteko atthu oororomeleya ni anivara muteko saana mwaha woweettela sooruma sa Biibiliya. (Miruku10:4, 26; aHéberi 13:18) Nuulumo na Muluku ninniixuttiha ohakalalaka ni itthu seiye sirina ahu, ni woonela efaita omukokhorela Muluku ovikana itthu sa werutthuni.Mmusome Matheyo 6:24, 25, 33; 1Timótheyo 6:8-10.

Weettela malamulo maalupale a Biibiliya, onnikhapelela ekumi ahu. (Miruku 14:30; 22:24, 25) Ntakiheryo: Wiiwelela nlamulo na Muluku voohimya sa ohihapaliwa, onooniiriha osyaka iretta siniiva, ni ihasara sinceene. (Miruku 23:20) Yehova khonikhoottiha owurya eviinyu, onikhoottiha otepana. (Esalimo 104:15; 1 aKorinto 6:10) Malamulo maalupale a Muluku, tooreera mwaha wa wiixuttihaka okhapelela sowiira sahu, vamosa ni miyuupuwelo sahu. (Esalimo 119:97-100) Masi, maKristau ekeekhai aniiwelela malamulo a Muluku, ohiya mwaha woophavela mireerelo saya paahi. Awo anniiwelela mwaha wonvuwiha Yehova.Mmusome Matheyo 5:14-16.