Murowe mpantta wa sirimuhina

Murowe mpantta wa menu a nenli

Anamoona a Yehova

Emakhuwa

Ti Pani Oneettiha Olumwenku ola Tthiri?

Ti Pani Oneettiha Olumwenku ola Tthiri?

Niireke munoona wira ti . . .

  • Muluku?

  • apinaatamu?

  • wala mutthu mukina?

 ELE BIIBILIYA ONIHIMYA AWE

“Elapo yothene enniweriwa ni Mutakali”.1 Yohani 5:19.

“Mwana a Muluku . . . ohorwa wira apwetexe miteko sa xetwani”.1 Yohani 3:8, Biblia Solempwa sa Muluku.

ELE ENITAPHULELA AYA WA NYUWO

Otthokiheriwa saana wa mixankiho sa mulaponi.Wisupulula 12:12.

Mathowa anniiriha okupali wira olumwenku onirowa oloka.1 Yohani 2:17.

 NNOOWERYA TTHIRI OKUPALI ELE BIIBILIYA ONIHIMYA AWE?

Aayo, mwaha wa mathowa mararu:

  • Olamulela wa Satana onirowa omala. Yehova oolakela omaliha olamulela wa Satana wa apinaatamu. Owo ooleiherya ‘ompwetexa Satana’ ni omaliha ohaawa wotheene okumiheriwe nuuwo.aHéberi 2:14, Biblia Solempwa Sowarya.

  • Muluku oomuthanla Yesu Kristu wira olamulele elapo. Yesu toovirikana vanceene ni namalamulela a elapo ela ootakhala, ni a nrima. Voohimya sa Omwene wa Yesu, Muluku ooleiherya wira: “Onimwamorela ikharari alipa-òthanyiwa: onowòpola atthu òhawa . . . Onowakiherya olupatthiwa ni òpuheriwa: onimwakumiherya mulattu ale anahaxa”.Esalimo 72:13, 14.

  • Muluku khonootha. Tthiri, Biibiliya onihimya wira: ‘Muluku khonwerya wotha’. (aHéberi 6:18) Vaavo Yehova onileiherya awe opaka etthu, nto onikhala wira owo oopaka etthu eyo! (Yesaya 55:10, 11) “Ole onruma vathí-va, onimomoliwa”.Yohani 12:31.

 WIRA MUUPUWELELE

Olumwenku onirowa okhala sai nuumala woomoliwa ole onilamulela vano?

Biibiliya onnaakhula nikoho nlo mwa yoolepa ya MASALMO 37:10, 11 ni WISUPULULA 21:3, 4.

MWIIXUTTE SIKINA

IHAPARI SOOREERA SINIKHUMA WA MULUKU!

Tiivi Eri Yoolakela ya Muluku wa Elapo ya Vathi?

Biibiliya onnihimya emwiirinhe Muluku opattuxa elapo ya vathi, okathi onrowa aya omala-malihiwa ohaawa wotheene, ni etthu ya ohoolo ekhanle ahu oolipelela ni atthu anrowa okhalaka mparayiisu valaponi.