Murowe mpantta wa sirimuhina

Murowe mpantta wa menu a nenli

Anamoona a Yehova

Emakhuwa

Niireke Ohaawa Onoomala?

Niireke Ohaawa Onoomala?

Niireke nyuwo munaakhula wira . . .

  • aayo?

  • nnaari?

  • woonasa wene?

 ELE BIIBILIYA ONIHIMYA AWE

“Muluku . . . onopuputtha maithori aya othene: khunrowa okhala-tho okhwa, nnákhala oripiwa murima, walá ikuttho nnákhala ohawa”.Wisupulula 21:3, 4, Biblia solempwa sowarya.

ELE ENITAPHULELA AYA WA NYUWO

Yoolipiherya yoowi Muluku khahiyo tonikumiherya mixankiho sahu.Yakobo 1:13.

Ophwanya ohakalala mwaha woosuwela wira Muluku onnoona othunku mwaha wa maxakha anniphwanya.Zakariya 2:13.

Nlipelelo noowi ohaawa wotheene onirowa omala.Esalimo 37:9-11.

 NNOOWERYA TTHIRI OKUPALI ELE BIIBILIYA ONIHIMYA AWE?

Aayo, mwaha wa mathowa manli:

  • Muluku onninyokha ohaawa ni oohixariya. Muthokorerye moota Yehova Muluku oonale othunku vaavo arumeyi awe mwa okathi wa khalai yaahaaxiwa aya. Biibiliya onihimya wira owo aanoona owereya mwaha wa “atthu ale yahaxa ni yalupattha”.Makhulupale 2:18, Biblia Solempwa Sowarya.

    Muluku onnaanyokha vanceene ale anaahaaxa akhwaaya. Mwa ntakiheryo, Biibiliya onnihimya wira Muluku oninyokha “matata animwiva ohitthenke”.Miruku 6:16, 17.

  • Muluku onnimukhapelela khula mmosa a hiyo. Khahiyo paahi khula mutthu ‘tonitthokelela sottheka sawe’ ni woona owereya, masi tho Yehova onnixanka mwaha wa soottheka iyo!2 Wahala 6:29, 30.

    Orumeelaka Omwene awe, Yehova moohipisa onirowa omaliha ohaawa wa khuta mutthu. (Matheyo 6:9, 10) Vano, Yehova onnaamaaliha mwa niphento ale animphavelasa veekeekhai.Miteko 17:27; 2 aKorinto 1:3, 4.

 WIRA MUUPUWELELE

Xeeni Muluku onaahiya awe atthu ahaawaka?

Biibiliya onnaakhula nikoho nlo mwa yoolepa ya AROMA 5:12 ni 2 PEDRU 3:9.

MWIIXUTTE SIKINA

IHAPARI SOOREERA SINIKHUMA WA MULUKU!

Xeeni Muluku onihiya awe ohaawa ni sootakhala siiraneyaka?

Itthu sootakhala sipacenrye sai okhumelela, nto xeeni Muluku eemyaka ovikaniha okhumelela? Niireke ohaawa ni otakhala onoomala?