Murowe mpantta wa sirimuhina

Murowe mpantta wa menu a nenli

Anamoona a Yehova

Emakhuwa

Exeeni Enuupuwela Anyu sa Muhoolo?

Exeeni Enuupuwela Anyu sa Muhoolo?

Niireke olumwenku ahu onirowa . . .

  • ovikaniha okhala siisa?

  • ootepa otakhala?

  • wala okhala saana?

 ELE BIIBILIYA ONIHIMYA AWE

“Muluku . . . onopuputtha maithori aya othene: khunrowa okhala-tho okhwa, nnákhala oripiwa murima, walá ikuttho nnákhala ohawa. Tthiri olumwenku wa khalai wovira”.Wisupulula 21:3, 4, Biblia Solempwa Sowarya.

ELE ENITAPHULELA AYA WA NYUWO

Muteko woohakalaliha ni wooloka.Yesaya 65:21-23.

Omala wa iretta wala ohaawa wotheene.—Yesaya 25:8; 33:24.

Okumi woohimala ni woohakalaliha, vamosa ni amusi ni apatthani.—Esalimo 37:11, 29.

 NNOOWERYA TTHIRI OKUPALI ELE BIIBILIYA ONIHIMYA AWE?

Aayo, mwaha wa mathowa manli:

  • Muluku ookhalana owerya wowaamaleliha anatiri awe. Biibiliya onnimuhimya Yehova mekhawe okhala “Òwerya sothene”, mwaha woowi ikuru sawe ti soohimala. (Wisupulula 15:3) Nto owo onoowerya waamaliherya anatiri awe ni olokiherya elapo ahu wira ekhale yooloka. Biibiliya oni: “Muluku khivo enojelawe”.—Matheyo 19:26.

  • Muluku onniphavela waamaleliha anatiri awe. Mwa ntakiheryo, Yehova onniphavela vanceene ottikiherya okumi wa atthu akhwiiye.Yobi 14:14, 15.

    Nave-tho Biibiliya onnooniherya wira Yesu, Mwaana a Muluku, aahaavoniha aretta. Mwaha wa xeeni? Mwaha woowi owo aaniphavela opaka eyo. (Marko 1:40, 41) Yesu ahooniherya moomalela mikhalelo sa Tiithi awe orweela mwa waakhaliherya ale yaahaawa.Yohani 14:9.

    Nto hiyo nnoowerya okupali wira Yehova ni Yesu aniphavela onikhaliherya wira nikhalane okumi woohakalaliha muhoolo!Esalimo 72:12-14; 145:16; 2 Pedru 3:9.

 WIRA MUUPUWELELE

Muluku onirowa olokiherya sai olumwenku ahu wira okhale wooloka?

Biibiliya onnaakhula nikoho nlo mwa yoolepa ya MATHEYO 6:9, 10 ni DANIYELI 2:44.

MWIIXUTTE SIKINA

IHAPARI SOOREERA SINIKHUMA WA MULUKU!

Tiivi Eri Yoolakela ya Muluku wa Elapo ya Vathi?

Biibiliya onnihimya emwiirinhe Muluku opattuxa elapo ya vathi, okathi onrowa aya omala-malihiwa ohaawa wotheene, ni etthu ya ohoolo ekhanle ahu oolipelela ni atthu anrowa okhalaka mparayiisu valaponi.

IHAPARI SOOREERA SINIKHUMA WA MULUKU!

Omwene wa Muluku Exeeni?

Ti pani ori Mwene a Omwene wa Muluku, nto omwene owo onrowa opaka exeeni?