Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

 YOOSOMA 47

Yehova Aahimulipiha Eliya

Yehova Aahimulipiha Eliya

Yezabeli aahileeliwa etthu yaakhumelenle maprofeta a Bayali, ni aahinanariwa vanceene. Aahimuruma mutthu omuleela Eliya wira: ‘Meelo, nyuwo munimookhwa sintoko maprofeta a Bayali’. Eliya aahoova vanceene ni aahitthyawela moothakoni. Aahinvekela Yehova ohimyaka so: ‘Okumi wookimalela. Kiniphavela okhwa’. Eliya aahikhulumuwa, aahirupa vathi va mwiri.

Nlaikha naahimukwata khumwiirela wira: ‘Nvenye mulyeeke’. Eliya aahiweha ephau yoovilikeya yooxiwe vamalukuni ni murinki wa maasi. Aahikhuura ni aahiwurya, nuumala-vo aahitthikela orupa. Nlaikha nle naahinvenxa-tho nihimyaka so: ‘Nvenye mulyeeke, muhaana okhala oolipa wira mphiye onrowa anyu’. Eliya aahoolya-tho. Nuumala-vo, aaheetta mahiku 40 othana ni ohiyu mpakha ophiya omwaako Horebi. Ophiyakaru aahikela munikhukuni onarupa. Yehova aahimukoha wira: ‘Eliya, muniirani-va?’ Eliya aahaakhula wira: ‘AIsarayeli aahiya weettela moolumo yaaleihenrye aya ohoolo wanyu. Awo ahaapwexa altari anyu ni aawiiva maprofeta anyu. Vano awo aniphavela okiiva’.

Yehova aahimuleela wira: ‘Murowe mweemele vasulu va mwaako’. Nto yaahivira epheyo yuulupale ni ya ikuru. Moottharelana, yaahikhumelela etetere, nuumala-vo mooro. Wanikisa waya, Eliya aahiiwa nsu ntoko epheyo. Eliya aahiikhuneela owiitho ni nlaya nawe ni aahikhumela ota. Vano Yehova aahimukoha nthowa naya aatthyanwe awe. Eliya aahaakhula so: ‘Kihanle miyo paahi, mekhaka’. Masi Yehova aahimuhimeerya wira: ‘Khamuhanle mekhinyu. Aakhala atthu 7.000 wIsarayeli nlelo anikikokhorela. Murowe mwamuthanle Eliseyo wira akhale profeta nipuro nanyu’. Moohipisa, Eliya aahirowa opaka itthu sotheene Yehova aamulenle awe. Munoonela sai, niireke Yehova onimookhaliheryani akhala wira munoopaka itthu onooruma aweni? Aayo, onimookhaliheryani. Nrowe nithokorerye etthu yaakhumelenle okathi yahaarumpe aya epula.

“Muhukhuwé mwaha w’etthu p’itthu. Vano okathi wothene, nweliherye mavekelo anyu wa Muluku mmulompaka, munvaraka metto, mmuxukhuruku-tho”.​—aFilipi 4:6