Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

Moolumo Oopacerya a Epantte 7

Moolumo Oopacerya a Epantte 7

Epantte ela enilavula sa Mwene Sawuli ni Mwene Davidi, mwa okathi wa iyaakha siniphiyerya 80. Wanipacerya, Sawuli aari oowiiyeviha ni aanimoova Muluku, masi moohipisa aahirukunuxa murima awe, ni aahipacerya okhootta otthara malakiheryo a Yehova. Nuumala-vo, Yehova aahimukhootta, nto nuuvira okathi, aahimuruma Samuweli orowa omuthanla Davidi wira amuranttele Sawuli okhala mwene a wIsarayeli. Nanrima Sawuli aaheererya omwiiva Davidi ikwaha sinceene, masi Davidi khaatonko wunla ikuhu. Yonatani, mwanawe Sawuli aanisuwela wira Yehova aahimuthanla Davidi, nto aanimuroromela Davidi ni murima wotheene. Davidi aahipaka itampi suulupale, masi aaheemererya okhaliheriwa ni Yehova. Akhala wira mwa namuyari, mmukhaliherye mwaninyu oweha otthuneya waya okhaliherya mareheryo a Muluku.

EPANTTE ELA

YOOSOMA 39

Mwene Oopacerya a wIsarayeli

Muluku aanaavaha aIsarayeli makhulupale wira yaahooleleke, masi awo yaavekenle okhalana mwene. Samuweli aahimuthanla Sawuli wira okhale mwene oopacerya, masi nuuvira okathi Yehova aahimukhootta Sawuli. Nthowa naya?

YOOSOMA 40

Davidi ni Goliyathi

Yehova aahimuthanla Davidi wira okhale mwene a wIsarayeli muhoolo. Nave Davidi aahooniherya wira omuroromela Yehova etthu yooreera.

YOOSOMA 41

Davidi ni Sawuli

Xeeni atthu ala yaanyokhana aya, ni moota xeeni ole aanyokhiwa oonela awe?

YOOSOMA 42

Olipa Murima ni Ororomeleya wa Yonathani

Mwanawe mwene Sawuli, aahikhala mpatthani awe eekeekhai Davidi.

YOOSOMA 43

Ottheka wa Mwene Davidi

Yoothanla yoohiloka yaahikumiherya mixankiho sinceene.