Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

 YOOSOMA 103

‘Omwene Anyu Orwe’

‘Omwene Anyu Orwe’

Yehova ooleiherya so: ‘Khasinrowa okhala-tho ikuttho, ohaawa, iretta nnakhala okhwa. Miyo kinoopuputtha maithori aya othene. Tthiri itthu sotheene soohiloka sinkhumelela okhuma khalai sinrowa oliyaliwa’.

Yehova aahimukhaliha Adamu ni Eva oJardim ya wEdeni wira ekhaleke ni murettele ni moohakalala. Awo yanwerya omurumeela Tiithi aya a wiirimu, waayara anaaya mpakha osareya valaponi. Adamu ni Eva khiyaamwiiwelenle Yehova, masi yoolakela awe khetonko oturukeya. Eliivuru ela, nooweha wira itthu sotheene Yehova onileiherya awe sinniiraneya. Omwene awe onooruuha mareeliho manceene valaponi, sintoko aamuleihenrye awe Abrahamu.

Moohipisa Satana, malaikha awe ootakhala, ni atthu ootheene ootakhala anoopwetexiwa. Atthu yaale anrowa woopowa anrowa omukokhorelaka Yehova. Khaninrowa owereiwaka. Nave, khula nihiku ninrowa ovenyaka vaarupa ahu nirina ene ikuru sinceene ni oohakalala mwaha wookhala akumi! Elapo enrowa okhala eparayiisu. Atthu otheene anrowa okhalana yoolya ni ipa  sooloka. Atthu anrowa okhala ooreera murima ohiya ootakhala. Inama sa mutakhwani khasinrowa onoovaka, nave hiyo khaninrowa woovaka inama iyo.

Tthiri vanrowa okhala voohakalaliha vanceene okathi Yehova onrowa awe opacerya waahihimuxa atthu akhwiiye. Hiyo ninrowa owaakhela atthu a khalai, ntoko Abeli, Nowe, Abrahamu, Sara, Moise, Ruthi, Estheri, ni Davidi. Awo anrowa ovaraka muteko hoothe ni hiyo wira elapo ya vathi ekhale eparayiisu. Oparayiisu iwo onookhala muteko munceene woohakalaliha.

Yehova oniphavela wira nyuwo mwakhaleke oParayiisu. Nyuwo munrowa omusuwela yena mwa inamuna muhinuupuwela anyu. Nto nitepeke omwaattamela Yehova khula nihiku, vano ni mahiku otheene!

“Pwiy’ahu ni Muluku ahu! Nyuwo mophwanela wakhela ovuwa ni nttittimiho n’uwerya. Tthiri nyuwo mpattunxe itthu sothene”.​—Wisupulula 4:11