Murowe mpantta wa sirimuhina

Murowe mpantta wa menu a nenli

Murowe mpantta wa myaha sirimuhina

Anamoona a Yehova

Emakhuwa

Mwiixutte Myaha sa Biibiliya

 YOOSOMA 84

Yesu Aaheetta Vasulu va Maasi

Yesu Aaheetta Vasulu va Maasi

Yesu aaniwerya waavoniha aretta, waahihimuxa atthu ookhwa, omaaliha epheyo yuulupale ni epula. Nuumala ovekela vamwaako, Yesu aahirowa ephareya ya oGalileya, nto yaahikhumelela epheyo yuulupale. Arummwa awe yaari mukalawani, nto yaanimananiha wira ekalawa ele ehisame. Yesu aahipacerya weetta vasulu va maasi arowaka opuro waari ekalawa ele. Vaavo arummwa yamoonale aya mutthu eettaka vasulu va maasi, yaahoova vanceene. Masi Yesu aahaaleela wira: ‘Ti miyo, muhoove’.

Pedru aahihimya so: ‘Pwiya, mwaari nyuwo tthiri, mukirume wira kiphiye vaavo vari anyu’. Yesu aahimuhimeerya Pedru wira: ‘Murweeke’. Nto Pedru aahikhuma mukalawani khupacerya weetta vasulu va maasi orowaka okumana ni Yesu. Masi ohalaka vakhaani omphwanya Yesu, Pedru aahiweha epheyo, nto aahoova. Nuumala-vo, aahipacerya osama. Pedru aahikhuwela so: ‘Pwiya, mukoopole!’ Yesu aahimookolela ntata, ahimyaka so: ‘Xeeni nyuwo munihoverya anyu? Waamini wanyu ori vai?’

Yesu ni Pedru yaahikela mukalawani, nuumala-vo, epheyo yaahimaala. Nto arummwa ale yoonenle sai? Awo yaahimmye so: ‘Veekeekhai, nyuwo mwa Mwaana a Muluku’.

Ola khahiyo waari okathi omosa paahi Yesu aamaalinhe awe epheyo. Ekwaha ekina, vaavo Yesu ni arummwa awe yaalapuwela aya ekhopela ekina ya ephareya, Yesu aamurupa mukalawani. Orupaka siisaale, yaahikhumelela epheyo yuulupale. Mawimpi yaanimana ekalawa, ni maasi yaanikela mukalawani. Nto arummwa yaahipacerya okhuwela ariki: ‘Mwiixuttihi, khamunoona wira nnimookhwa! Munoopole!’ Yesu aahivenya, khiirela ephareya wira: ‘Omaale!’ Naananoru epheyo ni mawimpi yaahimaala. Yesu aahaakoha arummwa awe wira: ‘Waamini wanyu ori vai?’ Nto yaahihimeeryana yaaworu wira: ‘Hata epheyo ni ephareya ennimwiiwelela’. Arummwa ale yaahiixutta wira yamuroromela Yesu moomalela, awo khiyaatthuneya woovaka khula etthu.

“Kinniroromela wira kinrowa wona oreriwa, Muluku onrowawe okiphwanyiha mulaponi-mu mw’atthu akumi”.​—Esalimo 27:13

MWIIXUTTE SIKINA

MUTAKIHEKE WAAMINI WAYA

Pedru Aaniwanana Woova ni Ohoverya

Ohoverya, etthu yootepa woopiha ni eniiva. Pedru aahixintta woova ni ohoverya voohimya sa Yesu.